Interpol Election 2021: కేంద్ర దర్యాప్తు సంస్థ(సీబీఐ)లో స్పెషల్ డైరెక్టర్గా పని చేస్తున్న ప్రవీణ్ సిన్హా (praveen sinha cbi).. ఆసియా ప్రతినిధిగా ఇంట్పోల్ ఎగ్జిక్యూటివ్ కమిటీకి ఎన్నికయ్యారు. ఈ విషయాన్ని అధికారిక వర్గాలు వెల్లడించాయి.
ఇంటర్పోల్లోని ఈ ఉన్నత ప్యానెల్‌లో రెండు స్థానాలు ఖాళీ కాగా.. వాటికి ఎన్నిక అనివార్యమైంది. దీంతో ఆ స్థానాలకు చైనా, సింగపూర్, రిపబ్లిక్ ఆఫ్ కొరియా, జోర్డాన్‌ నుంచి ప్రవీణ్ సన్హాకు గట్టి పోటీ ఎదురైంది. చివరకు భారతీయ అభ్యర్థిగా ప్రవీణ్ విజయం సాధించారు.
ఇస్తాంబుల్లో ఇంటర్పోల్ (interpol news today) నిర్వహించిన 89 వ జనరల్ అసెంబ్లీలో భాగంగా ఈ ఎన్నికలు నిర్వహించినట్లు భారత విదేశాంగ శాఖ అధికారులు పేర్కొన్నారు. ప్రపంచ దేశాలతో విస్తృత స్థాయిలో సంప్రదింపులు జరిపిన కారణంగా ఈ విజయం దక్కిందని చెప్పారు. భారత్తో స్నేహపూర్వకంగా మెలిగే దేశాలు, రాయబారులు, హై కమిషన్ల నుంచి ఈ ఎన్నికకు మద్దతు లభించిందని వెల్లడించారు.
ఇంటర్పోల్ 91వ సర్వసభ్య సమావేశానికి భారత్ ఆతిథ్యం ఇవ్వనుంది. 2022లో భారత 75వ స్వాతంత్య్ర దినోత్సవం సందర్భంగా ఇంటర్పోల్ సర్వసభ్య సమావేశం జరగనుంది. ఈ నేపథ్యంలో ప్రవీణ్ సిన్హా ఎన్నిక ప్రాధాన్యం సంతరించుకుంది.
195 సభ్య దేశాలు గల ఇంటర్‌పోల్‌లో 1949లో చేరింది భారత్. అంతర్జాతీయ నేరాలు, నేరస్థుల సమాచారాన్ని పంచుకోవడానికి సభ్య దేశాల్లోని పోలీసులకు ఇంటర్పోల్ సాయపడుతుంది. పాలకమండలి నిర్ణయాలు తీసుకోవడానికి సంవత్సరానికోసారి జనరల్ అసెంబ్లీ సమావేశమవుతుంది. భారత్ 1997లో మాత్రమే ఇంటర్పోల్ సర్వసభ్య సమావేశాన్ని నిర్వహించింది. ప్రస్తుతం ఈ సమావేశం ఇస్తాంబుల్లో జరుగుతోంది.
ఇదీ చూడండి: ఉద్యోగులకు రెండు రోజులు ఎక్స్ట్రా సెలవులు- అమ్మ, నాన్నతో గడిపేందుకే...
