India ukraine news: ఉక్రెయిన్- రష్యా మధ్య ఉద్రిక్తతలు తీవ్రం కావటంతో అక్కడి భారతీయులను స్వదేశానికి తరలించే చర్యలు ముమ్మరంగా సాగుతున్నాయి. 242 మంది భారతీయులతో ఉక్రెయిన్ రాజధాని కీవ్ నుంచి బయలుదేరిన ప్రత్యేకవిమానం దిల్లీలోని ఇందిరాగాంధీ అంతర్జాతీయ విమానాశ్రయానికి చేరుకుంది.
ఈ విదేశాంగశాఖ సహాయమంత్రి మురళీధరన్ ట్వీట్ చేశారు. దేశంలోని వివిధ రాష్ట్రాలకు చెందిన భారతీయులు, విద్యార్థులు ఉక్రెయిన్ నుంచి దిల్లీకి చేరుకోనున్నట్లు తెలిపారు మురళీధరన్. ఉక్రెయిన్లోని భారతీయులు స్వదేశానికి వచ్చేందుకు మరిన్ని విమానాలను అందుబాటులో ఉంచుతామన్నారు.
యుద్ధ వాతావరణం నుంచి బయటపడి స్వదేశానికి చేరుకోవడంఎంతో ఉపశమనంగా ఉందని ఓ వైద్యవిద్యార్థి తెలిపారు. కొవిడ్‌ సమయంలో ఉక్రెయిన్ నుంచి విమానాల రాకపోకలపై విధించిన ఆంక్షల్ని భారత్ ఎత్తివేసింది.
ఈనెల 22, 24, 26తేదీల్లో 3ప్రత్యేక వందేభారత్ విమానాలను ఉక్రెయిన్, భారత్ మధ్య నడపనున్నట్లు ఎయిర్ ఇండియా ప్రకటించింది.
ఇదీ చూడండి: ఉక్రెయిన్లో టెన్షన్ టెన్షన్- స్వదేశానికి భారతీయులు
