కరోనా వ్యాక్సినేషన్ డ్రైవ్లో భారత్ సరికొత్త రికార్డు నెలకొల్పినట్టు కేంద్ర ఆరోగ్య శాఖ వెల్లడించింది. ఒక్కరోజులోనే 30లక్షల 39వేల 394 మందికి టీకా అందించి.. ఈ ఘనత సాధించిన తొలిదేశంగా నిలిచిందని పేర్కొంది. మార్చి 15న(59వ రోజు) చేపట్టిన వ్యాక్సినేషన్ డ్రైవ్ ద్వారా ఈ ఘనత సాధించినట్టు తెలిపింది.
ఫలితంగా.. దేశంలో మొత్తం టీకా లబ్ధిదారుల సంఖ్య 3 కోట్ల 29 లక్షల 47వేల 432 దాటినట్టు స్పష్టం చేసింది ఆరోగ్య శాఖ. ఇప్పటివరకు 5లక్షల 55వేలకుపైగా సెషన్లు నిర్వహించినట్టు పేర్కొంది. వ్యాక్సిన్ లబ్ధిదారుల్లో సుమారు కోటి మందికిపైగా 60ఏళ్ల పైబడిన వారే ఉన్నారని వివరించింది.
ఇదీ చదవండి: దేశంలో కొత్తగా 24,492 కరోనా కేసులు
