దేశంలో కొవిడ్ కేసుల సంఖ్య (Coronavirus update) స్వల్పంగా పెరిగింది. తాజాగా 11,451 మందికి కొవిడ్ పాజిటివ్గా(Corona cases in India) తేలింది. కరోనా ధాటికి మరో 266 మంది మృతి చెందారు. తాజాగా 13,204 మంది కరోనా నుంచి కోలుకున్నారు. అయితే.. ఒక్క కేరళలోనే 7,124 కరోనా కేసులు వెలుగులోకి వచ్చాయి.
- మొత్తం మరణాలు: 4,61,057
- యాక్టివ్ కేసులు: 1,42,826
- కోలుకున్నవారు: 3,37,63,104
టీకాల పంపిణీ..
దేశంలో కొవిడ్ టీకా పంపిణీ (Vaccination in India) జోరుగా కొనసాగుతోంది. ఆదివారం ఒక్కరోజే 23,84,096 డోసుల వ్యాక్సిన్ అందించారు. ఫలితంగా మొత్తం టీకా డోసుల పంపిణీ 1,08,47,23,042కి చేరింది.
ప్రపంచవ్యాప్తంగా..
ప్రపంచవ్యాప్తంగా రోజువారి కరోనా కేసుల్లో (coronavirus worldwide) పెరుగుదల నమోదైంది. కొత్తగా 3,42,064మందికి కొవిడ్ (Corona update) సోకింది. కరోనా ధాటికి 4,595 మంది మృతి చెందారు. ఫలితంగా మొత్తం కేసుల సంఖ్య 25,06,10,452 కు చేరింది. మొత్తం మరణాలు 50,64,460కి చేరాయి.
వివిధ దేశాల్లో కొత్త కేసులు..
- అమెరికాలో కొవిడ్ కేసులు భారీగా పెరిగాయి. 23,165 మందికి వైరస్ సోకింది. మరో 123 మంది చనిపోయారు.
- రష్యాలో మరో 39,165 మందికి కొవిడ్ పాజిటివ్గా తేలింది. ఒక్కరోజే 1,179 మంది ప్రాణాలు కోల్పోయారు.
- బ్రిటన్లో కొత్తగా 30,305 మందికి వైరస్ బారినపడ్డారు. మరో 62 మంది మృతి చెందారు.
- టర్కీలో కొత్తగా 25,304 కరోనా కేసులు నమోదవగా.. 200 మంది ప్రాణాలు కోల్పోయారు.
- జర్మనీలో కొత్తగా మరో 20,701 మందికి కొవిడ్ సోకింది. 40 మంది మరణించారు.
