దేశంలో సరైన వ్యాక్సిన్ విధానం కావాలని కాంగ్రెస్ అగ్రనేత రాహుల్ గాందీ డిమాండ్ చేశారు. ప్రభుత్వ ప్రస్తుతం అనుసరిస్తున్న టీకా విధానం.. కరోనా మూడో దశకు దారి తీస్తుందని ట్విట్టర్ వేదికగా ఆరోపించారు.
"భారత ప్రభుత్వం అనుసరిస్తున్న విఫలమైన వ్యాక్సిన్ విధానం వల్ల దేశంలో విధ్వంసకరమైన మూడో దశ వ్యాపిస్తుంది. అది మళ్లీ జరగకూడదు. భారత్కు సరైన వ్యాక్సిన్ విధానం కావాలి."
- రాహుల్ గాంధీ, కాంగ్రెస్ అగ్రనేత
గంగానది తనను పిలుస్తోందని నాడు వ్యాఖ్యలు చేసిన వారే.. ఇప్పుడు ఆ నది విలపించేలా చేస్తున్నారని ప్రధాన మంత్రి నరేంద్ర మోదీపై రాహుల్ పరోక్ష విమర్శలు చేశారు. కేరళ, మహారాష్ట్ర, గోవా, తమిళనాడు, గుజరాత్, కర్ణాటక రాష్ట్రాలకు.. తౌక్టే తుపాను ముప్పు పొంచి ఉందని ప్రభుత్వం హెచ్చరించిన నేపథ్యంలో ప్రజలంతా క్షేమంగా ఉండాలని మరో ట్వీట్లో రాహుల్ కోరారు. ఆపదలో ఉన్నవారికి సాయం అందించాలని కాంగ్రెస్ కార్యకర్తలకు ఆయన పిలుపునిచ్చారు.
ఇదీ చూడండి: భారత్కు 5కోట్ల వ్యాక్సిన్ డోసులు?
ఇదీ చూడండి: విద్యార్థిని సరికొత్త మాస్క్- గూగుల్ మ్యూజియంలో చోటు
