కరోనా సంక్షోభం వల్ల ప్రపంచం గతితప్పిందని... దానిని తిరిగి పట్టాలపై పెట్టే విషయంలో భారత్ కీలక పాత్ర పోషించాల్సిన అవసరం ఉందని ప్రధానమంత్రి నరేంద్ర మోదీ ఉద్ఘాటించారు. రెండో ప్రపంచ యుద్ధం తర్వాతి దశాబ్దం లాగే.. ఈ 10ఏళ్లు కూడా ఎంతో కీలకమన్నారు.
ఎన్డీఏ నేతలను ఉద్దేశించి ప్రసంగించారు ప్రధాని. గతంలో లాగా.. భారత్ ఈసారి ప్రేక్షక పాత్ర వహించదని స్పష్టం చేశారు.
"మన సంప్రదాయం, వసుదైక కుటుంబం అన్న మన ఆలోచనలను ఆధారంగా పరిస్థితులపై ముందుకు సాగుదాం."
--- నరేంద్ర మోదీ, ప్రధానమంత్రి.
బడ్జెట్ సమావేశాలు ప్రారంభమైన ఒక రోజు అనంతరం ఎన్డీఏ కూటమి నేతల సమావేశం జరిగింది. అనంతరం ప్రధాని వ్యాఖ్యలను వివరిస్తూ.. పార్లమెంట్ వ్యవహారాలశాఖ మంత్రి ఈ భేటీపై ఓ ప్రకటనను విడుదల చేశారు.
ఇదీ చూడండి:- షా సమక్షంలో భాజపాలో చేరిన రాజీవ్ బెనర్జీ
