ఉత్తర్ ప్రదేశ్లోని ఓ ముస్లిం కుటుంబం చేసి పని మత సామరస్యాన్ని చాటింది. తమ భూమిని శివాలయ నిర్మాణానికి విరాళంగా ఇచ్చి మతాలకు అతీతంగా నిలిచింది. దేవాలయ నిర్మాణానికి సైతం అందరూ తరలిరావాలని స్థానికులకు ఆ కుటుంబం పిలుపునిచ్చింది.
ఉత్తర్ ప్రదేశ్ మేరఠ్ రషీద్నగర్కు చెందిన ఖాసీం అలీకి బ్రహ్మపురిలో 200యార్డుల భూమి ఉండేది. 1976లో ఆ భూమిని ఖాసీం అలీ శివాలయ నిర్మాణం కోసం విరాళంగా ఇచ్చారు. ఖాసీం కుమారుడు అసీమ్ ఆ భూమిని శివాలయం నిర్మాణం కోసం ఇటీవల మందిర్ సమితి పేరు మీద రిజిస్ట్రేషన్ చేయించారు. అంతేకాకుండా శివాలయ నిర్మాణానికి మతాలకు అతీతంగా అందరూ రావాలని ఖాసీం కుటుంబ సభ్యులు పిలుపునిచ్చారు.
