తమిళనాట ఎన్నికల వేళ నాయకుల ఇళ్లపై వరుస ఐటీ దాడులు రాజకీయ వేడిని రగుల్చుతున్నాయి. డీఎంకే నేత సెంథిల్ బాలాజీ అనుచరుల ఇళ్లు, కార్యాలయాల్లో గురువారం రాత్రి ఐటీ శాఖ సోదాలు నిర్వహించింది. మొత్తం 50 మంది ఐటీ అధికారులు 6 బృందాలుగా విడిపోయి ఈ సోదాలు చేపట్టారు.
ఈ తనిఖీల్లో రూ. 7 కోట్ల మేర నల్లధనం పట్టుబడినట్లు సమాచారం. అయితే.. ఈ విషయంపై అధికారులు ఇంకా స్పష్టత ఇవ్వలేదు.
శుక్రవార సాయంత్రం 5 గంటలకు డీఎంకే అధినేత ఎంకే స్టాలిన్ కారుర్ ఎన్నికల ప్రచార సభలో పాల్గొననున్న నేపథ్యంలో ఈ ఐటీ దాడి జరగడం గమనార్హం.
ఇటీవలే.. డీఎంకే నేత ఈవీ వేలుకు మద్దతిస్తూ స్టాలిన్ తిరువణ్నామలై పర్యటించారు. ఆ సమయంలో వేలుకు సంబంధించిన ఇళ్లు, కార్యాలయాలపై ఐటీ శాఖ సోదాలు నిర్వహించింది.
ఇదీ చదవండి:తమిళనాట మరోసారి సంస్కృత పేర్లపై వివాదం!
