బంగాల్ రాజధాని కోల్కతాలో హైదరాబాద్కు చెందిన వ్యక్తి అనుమానాస్పద స్థితిలో మృతి చెందారు. ఆయన మృతదేహాం నగరంలోని సాల్ట్లేక్ ప్రాంతంలోని ఓ అపార్ట్మెంట్లో పడి ఉంది. అయితే ఆత్మహత్య చేసుకుని మరణించినట్లు ప్రాథమిక దర్యాప్తులో పోలీసులు తేల్చారు. ఘటనా స్థలం నుంచి సూసైడ్ నోట్ను స్వాధీనం చేసుకున్నారు.
నోట్లో గ్యాస్ పైపులు..
పి. సమ్రిత్ హైదరాబాద్కు చెందిన వ్యక్తి. ప్రైవేట్ బ్యాంకులో ఉద్యోగం రీత్యా.. కోల్కతా, సాల్ట్ లేక్ ప్రాంతంలోని ఓ అపార్ట్మెంట్లో తన సహోద్యోగులతో కలిసి నివసిస్తున్నారు. సోమవారం అతని మృతదేహాన్ని పోలీసులు అపార్ట్మెంట్లో గుర్తించారు. గ్యాస్ పైపులు నోట్లో, ముక్కులో ఉండగా.. ప్రాణాంతక వాయువు కారణంగా సమ్రిత్ మరణించారని భావిస్తున్నారు.
విశాఖపట్నం గ్యాస్ లీక్తో..
సమ్రిత్ తల్లిదండ్రులు 2020లో జరిగిన విశాఖపట్నం గ్యాస్ లీక్లో మృతి చెందారు. అప్పటి నుంచి డిప్రెషన్లో ఉన్నారు సమ్రిత్. ఈ నేపథ్యంలోనే అదే విధంగా సమ్రిత్ తన ప్రాణాలు తీసుకోవాలని చూసినట్టు పోలీసులు తెలిపారు. విశాఖపట్నంలో లీకైన స్టెరిన్ గ్యాస్ కోసం ఆయన కోల్కతాలో వెతికినట్లు పోలీసులు పేర్కొన్నారు. అది దొరకగపోగా.. హీలియం గ్యాస్ను బహిరంగ మార్కెట్లో కొనుగోలు చేసి, దానితో ఆత్మహత్య చేసుకున్నాడని వెల్లడించారు. అతని మృతదేహాన్ని పోస్ట్మార్టానికి పంపించారు.
సూసైడ్ నోట్ ఆయనదేనా? కాదా? అనే అంశంపై పోలీసులు దర్యాప్తు చేస్తున్నారు. మృతుని చేతిరాత శాంపిల్స్ను తీసుకున్నారు.
ఇవీ చదవండి:పట్టపగలే న్యాయవాదిపై కత్తులతో దాడి
