How to Book Ayodhya Ram Mandir Free Aarti Pass By Online and Offline: అయోధ్య రామమందిరం ప్రాణప్రతిష్ఠ కార్యక్రమానికి శరవేగంగా ఏర్పాట్లు జరుగుతున్నాయి. జనవరి 22 మధ్యాహ్నం 12.30 గంటలకు బాల రాముడి విగ్రహ ప్రతిష్ఠ జరగనుంది. ఇందులో భాగంగా.. జనవరి 16 నుంచి వారం రోజుల పాటు ప్రత్యేక పూజలు నిర్వహించనున్నారు. ఈ క్రమంలోనే భక్తులు శ్రీరాముడికి సేవ చేసుకునేందుకు.. అయోధ్య రామాలయ ట్రస్టు అవకాశం అందించింది. రామాలయంలో నిర్వహించే "హారతి" కార్యక్రమంలో పాల్గొనేందుకు ఉచితంగా పాసులను అందుబాటులో ఉంచింది. ఆన్‌లైన్తోపాటు ఆఫ్‌లైన్‌లోనూ ఈ పాసులు పొందవచ్చు. అది ఎలాగో ఈ స్టోరీలో చూద్దాం..
అయోధ్య రామ మందిరం ఓపెనింగ్కు 1000 ప్రత్యేక రైళ్లు- ఎప్పట్నుంచంటే?
ఆలయంలో మూడు రకాల హారతులు నిర్వహిస్తారు. అవి.. శృంగార హారతి, భోగ హారతి, సంధ్యా హారతి.
- శృంగార హారతి: ఇది ఉదయం హారతి. ఇక్కడ భగవంతుడు రామ్ లల్లాను దుస్తులు, ఆభరణాలతో అలంకరిస్తారు. ఇది ఉదయం 6:30కి ప్రారంభమవుతుంది.
- భోగ హారతి: ఇది మధ్యాహ్నం హారతి. ఇక్కడ లార్డ్ రామ్ లల్లాకు ఆహారం, స్వీట్లు అందిస్తారు. ఇది మధ్యాహ్నం 12:00కి ప్రారంభమవుతుంది.
- సంధ్యా హారతి: ఇది సాయంత్రం హారతి. ఇక్కడ బాల రాముడిని నిద్రించడానికి సిద్ధం చేస్తారు. ఇది రాత్రి 7:30కి ప్రారంభమవుతుంది.
గ్రౌండ్ ఫ్లోర్లో బాల 'రాముడు'- అయోధ్యలో శబరికి ప్రత్యేక ఆలయం, దర్శనానికి కోటి మంది భక్తులు!
హారతి పాస్ కోసం ఆన్లైన్లో ఎలా బుక్ చేసుకోవాలంటే..?
- శ్రీ రామ జన్మభూమి తీర్థ క్షేత్రం అఫీషియల్ వెబ్సైట్ https://srjbtkshetra.org/ విజిట్ చేయాలి.
- హోమ్పేజీలో స్క్రీన్ మీద కనిపించే Click to Contribute ఆప్షన్పై క్లిక్ చేస్తే.. కొత్త పేజీ ఓపెన్ అవుతుంది.
- ఇప్పుడు Home ఆప్షన్పై క్లిక్ చేసి.. మొబైల్ నెంబర్కు వచ్చే OTP ఉపయోగించి లాగిన్ కావాలి.
- హోమ్‌పేజీలోనే ‘హారతి(Aarti)’ సెక్షన్‌పై క్లిక్ చేయాలి.
- ఆ తర్వాత హాజరు కావాలనుకుంటున్న హారతి తేదీ, రకాన్ని ఎంచుకోవాలి.
- తర్వాత పేరు, చిరునామా, ఫొటో మొదలైన వివరాలను నమోదు చేయాలి.
- చివరగా పాస్‌ను ప్రింట్ చేసుకోవాలి లేదా డివైజ్‌లో సేవ్ చేయాలి.
హారతి పాస్ కోసం ఆఫ్‌లైన్‌లో ఎలా బుక్ చేసుకోవాలంటే.. : హారతి పాస్‌ను ఆఫ్‌లైన్‌లో బుక్ చేసుకోవడానికి అయోధ్య, దిల్లీ, బెంగళూరు, ముంబయి, హైదరాబాద్‌, చెన్నై, కోల్‌కతాలోని ఏ శ్రీ రామ జన్మభూమి తీర్థ క్షేత్ర కార్యాలయాన్నైనా సందర్శించవచ్చు. పాస్ పొందడానికి ID ప్రూఫ్ చూపించాలి. అలాగే నామమాత్రపు ఫీజు చెల్లించాలి.
ఏ పత్రాలు అవసరం?:
- ఆలయంలోకి ప్రవేశించడానికి ఆధార్ కార్డు, ఓటరు గుర్తింపు కార్డు, డ్రైవింగ్ లైసెన్స్, పాస్‌పోర్ట్ వంటి డాక్యుమెంట్స్‌లలో ఏదో ఒక దానిని తప్పనిసరిగా తీసుకెళ్లాలి.
- డాక్యుమెంట్.. పాస్ బుకింగ్ కోసం ఉపయోగించిన దానితో మ్యాచ్ అవ్వాలి.
- హారతి కార్యక్రమానికి హాజరయ్యే ముందు కౌంటర్‌లో పాస్‌ను కూడా చూపించాలి.
10 కేజీల వెండితో అయోధ్య రామ మందిరం ప్రతిమలు.. ఎంత చక్కగా ఉన్నాయో!
భక్తులకు ఇతర సూచనలు:
- ఆలయ వెబ్సైట్ ప్రకారం.. 10 ఏళ్ల కంటే తక్కువ వయస్సు ఉన్న పిల్లలకు హారతి కోసం ప్రత్యేక పాస్ అవసరం లేదు. వారు తల్లిదండ్రులు లేదా సంరక్షకులతో రావచ్చు.
- వీల్ చైర్ అసిస్టెంట్ సర్వీస్ కావాలంటే.. నామమాత్రపు ఛార్జీ చెల్లించి ఆ సర్వీస్ పొందొచ్చు.
- హాజరును నిర్ధారించడానికి హారతికి 24 గంటల ముందు SMS లేదా ఈ-మెయిల్ రిమైండర్‌ వస్తుంది.
- కొవిడ్-19 మార్గదర్శకాలను తప్పనిసరిగా పాటిస్తూ ఆలయ ప్రాంగణంలో భౌతిక దూరాన్ని మెయింటెయిన్ చేయాలి.
అయోధ్య రామాలయానికి స్పెషల్ డిజైన్- ఏటా ఆ రోజు గర్భగుడిలో అద్భుతం!
