శాస్త్రవేత్తల కష్టం వరద పాలైంది! ఎన్నో ఏళ్లుగా అధ్యయనం చేస్తూ వచ్చిన వారి కృషి నీటిలో కలిసిపోయింది. కర్ణాటక బెంగళూరులో ఇటీవల కురిసిన భారీ వర్షాల(Karnataka rains) కారణంగా.. అక్కడి జవహార్ లాల్ నెహ్రూ సెంటర్ ఫర్ అడ్వాన్స్డ్ సైంటిఫిక్ రిసెర్చ్లోకి(జేఎన్సీఏఎస్ఆర్)(Jncasr flooding) వరద నీరు భారీగా ప్రవేశించింది. దీంతో తీరని నష్టం ఏర్పడింది.
శాస్త్రవేత్తల విచారం..
ఉత్తర బెంగళూరులోని జక్కూర్ ప్రాంతంలో ఉండే.. ఈ మల్టీ డిసిప్లినరీ రిసెర్చ్ ఇన్స్టిట్యూట్లోని ప్రయోగశాలలోకి వర్షాల ధాటికి వరద నీరు(Floods into lab) ముంచుకొచ్చింది. దీంతో దాదాపు 25 ఏళ్లుగా కాపాడుతూ వస్తున్న కొన్ని జన్యునమూనాలు నాశనమయ్యాయి. పరిశోధన పత్రాలు, లక్షల రూపాయలు విలువ చేసే పరికరాలు ధ్వంసమయ్యాయి. తమ కృషి ఇలా నీటిపాలవ్వడం చూసి... అక్కడి శాస్త్రవేత్తలు విచారం వ్యక్తం చేస్తున్నారు.
జేఎన్సీఏఎస్ఆర్ 1989లో భారత ప్రథమ ప్రధాని పండిట్ జవహార్ లాల్ నెహ్రూ జయంతి సందర్భంగా భారతరత్న, ప్రొఫెసర్ సీఎన్ఆర్ రావు ప్రారంభించారు. భారత శాస్త్ర, సాంకేతిక శాఖ ఈ ఇన్స్టిట్యూట్ను ఏర్పాటు చేసింది.
ఇప్పుడు బెంగళూరులో కురిసిన భారీ వర్షాల ధాటికి వరద నీటిలో చిక్కుకుపోయింది. ఈ విషయం తెలుసుకున్న కర్ణాటక ముఖ్యమంత్రి బసవరాజ్ బొమ్మై మంగళవారం జేఎన్సీఏఎస్ఆర్కు వచ్చి, పరిస్థితిని పరిశీలించారు.
ఇదీ చూడండి: కర్ణాటకలో పోటెత్తిన వరద- క్షేత్రస్థాయిలో సీఎం పర్యటన
ఇదీ చూడండి: Tamilnadu rain: మరో 4 రోజులు భారీ వర్షాలు.. వాతావరణ శాఖ హెచ్చరిక
