వైరస్ నుంచి కోలుకునేందుకు శాయశక్తులా ప్రయత్నించి.. తనకు మరో జన్మ ఇచ్చిన వైద్యురాలితో పాటు సిబ్బందిని వదిలి వెళ్లాలంటే.. ఆ తల్లికి గుండె భారంగా అనిపించింది. గుజరాత్ సూరత్కు చెందిన లతాబెన్ కొవిడ్ బారిన పడి సూరత్లోని మోదీ ఐసోలేషన్ సెంటర్లో చేరారు. లతాబెన్కు అన్నీ తామై వైద్య సిబ్బంది.. ఆమెను కంటికిరెప్పలా చూసుకున్నారు. సమయానికి వైద్య సేవలు అందిస్తూ.. ఎప్పటికప్పుడు ఆమె ఆరోగ్యాన్ని సమీక్షించారు.
తల్లి కంటే మిన్నగా..
వైద్యుల సహాయంతో మహమ్మారి నుంచి పూర్తిగా కోలుకున్న లతాబెన్కు వారిని వదిలి ఇంటికి వెళ్లాలనిపించలేదు. తనను కన్నతల్లి కంటే మిన్నగా చూసుకున్న వైద్యురాలిని, సిబ్బందిని వదిలి వెళ్లనని చెప్తుంటే.. అక్కడున్నవారికి ఆనందబాష్పాలు వచ్చాయి.
" నాకు ఇక్కడే ఉండాలని ఉంది. అందరూ నాకు ఎంతగానో సేవలు చేశారు. ఇక్కడ ఉంటే ఇంట్లో ఉన్న అనుభుతి కలుగుతుంది" అని లతాబెన్ చెప్పుకొచ్చింది. వైద్యురాలు డాక్టర్. పూజాసాహ్ని.. లతాబెన్ను ఓదార్చి.. ఆమెకు నచ్చజెప్పి..ఓ బేసిల్ మొక్క ఇచ్చి ఇంటికి పంపించారు.
వైరస్ బారిన పడి ఐసోలేషన్ సెంటర్కు వచ్చే బాధితులు.. చిరునవ్వులు చిందిస్తూ వెళ్లేందుకు తాము ఎంతగానో కృషి చేస్తున్నామని డాక్టర్. పూజాసాహ్ని తెలిపారు.
ఇదీ చదవండి : కొవిడ్ రిపోర్టు లేక పడక దొరకలేదు.. ప్రాణం ఆగలేదు..
