బోర్డ్ ఆఫ్ గ్లోబల్ అలియాన్స్ ఫర్ వ్యాక్సిన్స్ అండ్ ఇమ్యూనైజేషన్(జీఏవీఐ)లో సభ్యులుగా కేంద్ర ఆరోగ్యశాఖ మంత్రి డా.హర్షవర్ధన్ ఎంపికయ్యారు. ఈ బోర్డులో తూర్పు-దక్షిణ ప్రాంతీయ విభాగంలో సభ్యుడుగా ప్రాతినిథ్యం వహించనున్నారు. జనవరి 1 నుంచి వర్ధన్ బాధ్యతలు తీసుకోనున్నారు. 2023, డిసెంబర్ 31 వరకు ఈ పదవిలో కొనసాగుతారు. ప్రస్తుతం మయన్మార్కు చెందిన మియంట్ హత్వే ప్రాతినిథ్యం వహిస్తున్నారు. జీఏవీఐ బోర్డు సంవత్సరానికి రెండుసార్లు సమావేశమవుతుంది. మహమ్మారుల నుంచి ప్రజలను రక్షించేందుకు క్షేత్రస్థాయిలో పాలసీలను బోర్డు రూపొందిస్తుంది. అంతేకాక పేదరికంపైనా దృష్టి సారిస్తుంది.
ఇప్పటికే ప్రపంచవ్యాప్తంగా దాదాపు 822 మిలియన్ల మంది పిల్లలకు వ్యాక్సిన్ అందించటంలో ప్రధాన పాత్ర పోషించింది. దాదాపు కోటిన్నర చిన్నారుల మరణాలను అరికట్టింది. ప్రస్తుతం జీఏవీఐ బోర్డు ఛైర్మన్గా డా.గోజి కోంజోవేలా కొనసాగుతున్నారు.
ఇదీ చదవండి : భారత్లో 19 కొత్త రకం కరోనా కేసుల గుర్తింపు
