Gujarat Suicide Blast: భార్యపై కోపంతో ఆత్మాహుతి దాడికి పాల్పడ్డాడు ఓ వ్యక్తి. ఈ ఘటనలో నిందితుడు, అతని భార్య ప్రాణాలు కోల్పోయారు. ఈ ఘటన గుజరాత్లోని ఆరవల్లి జిల్లా బీటీ ఛప్రా గ్రామంలో జరిగింది.
పోలీసుల వివరాల ప్రకారం..
ములోజ్ గ్రామానికి చెందిన నిందితుడు లాలా పాగీ (47), శారదాబెన్కు (43) ఇరవై ఏళ్ల క్రితం వివాహమైంది. నిందితుడు తరచూ భార్యను వేధిస్తుండేవాడు. సుమారు నెల రోజుల క్రితం వీరిద్దరి మధ్య గొడవ జరగడం వల్ల శారదా ఆమె పుట్టింటికి వచ్చేసింది. దీంతో కోపం పట్టలేక నిందితుడు ఆమెను హత్య చేయాలని భావించాడు. ఈ క్రమంలో శరీరానికి పేలుడు పదార్థాలు చుట్టుకుని గురువారం రాత్రి ఆమె ఉంటున్న బీటీ ఛప్రా గ్రామానికి వచ్చాడు. శారదాబెన్ ఇంటి నుంచి బయటకి రాగానే ఆమెను దగ్గరకులాగి డిటోనేటర్ నొక్కి పేల్చేసుకున్నాడు. పేలుడు ధాటికి ఇద్దరూ అక్కడిక్కడే మృతిచెందారు.
నిందితుడు జిలెటిన్ స్టిక్స్ను వాడాడని పోలీసులు గుర్తించారు. ఇందుకు సంబంధించి కేసు నమోదు చేసిన పోలీసులు.. పేలుడు పదార్థాలు నిందితుడికి ఎవరు అందించారనే కోణంలో దర్యాప్తు చేపడుతున్నారు.
ఇదీ చూడండి : అక్కడ మందు బాటిల్ పెట్టుకుని సైకిల్ సవారీ- క్షణాల్లోనే యువకుడు మృతి
