కొవిడ్​ కేర్​ సెంటర్​లో అగ్ని ప్రమాదం

గుజరాత్​లోని ఓ కొవిడ్ చికిత్స కేంద్రంలో అగ్ని ప్రమాదం జరిగింది. వెంటనే అప్రమత్తం అయిన అధికారులు రోగులను ఇతర ఆస్పత్రులకు తరలించారు. అందరూ సురక్షితంగానే ఉన్నారని వెల్లడించారు.

గుజరాత్​ భావనగర్​ ప్రాంతంలోని ఓ కొవిడ్​ కేర్​ సెంజర్​లో అగ్ని ప్రమాదం జరిగింది. బుధవారం తెల్లవారుజామున జరిగిన ఈ ఘటనలో ఎలాంటి ప్రాణ నష్టం జరగలేదని అధికారులు తెలిపారు. రోగులను స్థానిక ఆస్పత్రులకు తరలించినట్లు వెల్లడించారు.

"టీవీలో షార్ట్​ సర్క్యూట్​ కారణంగా తెల్లవారుజామున మంటలు చెలరేగాయి. అది కాస్త స్వల్ప అగ్ని ప్రమాదానికి దారి తీసింది. దానిని మేము వెంటనే అదుపు చేశాము. అయితే పై అంతస్థులో దట్టమైన పొగలు వ్యాపించాయి. దీంతో ముందు జాగ్రత్తగా 61మంది రోగులను స్థానిక ఆస్పత్రులకు తరలించాము. మిగిలిన ఏడుగురిని కూడా త్వరలో తరలిస్తాం. రోగులందరూ సురక్షితంగానే ఉన్నారు."

-అధికారులు

భావనగర్​లోని ఈ జనరేషన్ ఎక్స్ హోటల్​ను​ ఓ ప్రైవేటు ఆస్పత్రి.. కొవిడ్​ కేర్​ సెంటర్​గా మార్చి.. చికిత్స అందిస్తోంది.

ఇదీ చదవండి : కరోనాను దరిచేరనీయని ఆదర్శ గ్రామం