'జుగాడ్​ అంబులెన్స్​'తో రోగులకు ఆటో డ్రైవర్ల అండ

కరోనా విజృంభణ వేళ పుణెలోని కొంత మంది ఆటోడ్రైవర్లు.. కొవిడ్​ బాధితులకు తమ వంతు సాయం అందించేందుకు మందుకు వచ్చారు. 'జుగాడ్​ అంబులెన్సు' పేరుతో ఆటో అంబులెన్సు సేవలు ప్రారంభించారు. ఈ ఆటోల్లో ఆక్సిజన్​ సిలిండర్లనూ ఏర్పాటు చేశారు.

మహారాష్ట్ర పుణెలో కరోనా విలయం కొనసాగుతోంది. అంబులెన్సులు, ఆస్పత్రుల్లో పడకలు దొరని పరిస్థితి ఎదురవుతోంది. ఈ క్రమంలో పుణెలోని కొంత మంది ఆటోడ్రైవర్లు.. కొవిడ్​ బాధితులకు అండగా ఉండేందుకు ముందుకు వచ్చారు. 'జుగాడ్​​ అంబులెన్సు' పేరుతో ఆటోలను అంబులెన్సుగా మార్చి సేవలు అందించే కార్యక్రమాన్ని గురువారం ప్రారంభించారు.

ఆటో అంబులెన్సు

తమ వద్ద ఉన్న మూడు ఆటోల్లో ఆక్సిజన్​ సిలిండర్లు కూడా ఏర్పాటు చేసినట్లు.. 'జుగాడ్​​ అంబులెన్సు' రూపకర్త కేశవ్​ క్షీర్​సాగర్​ తెలిపారు.

"ఈ ఆటోల్లో ఉన్న ఆక్సిజన్​ సిలిండర్లు 6-7 గంటలపాటు పని చేస్తాయి. కరోనా బాధితుల కోసం మేం ఓ హెల్ప్​లైన్​ నంబర్​ను కూడా తీసుకువచ్చాం. రోగులకు ఆక్సిజన్​ను ఎలా అందించాలో మా ఆటో డ్రైవర్లకు శిక్షణ ఇచ్చాం. కరోనా బారిన పడకుండా ఆటోడ్రైవర్లు తగిన జాగ్రత్తలు తీసుకుంటారు. మాకు ఓ వైద్యుల బృందం కూడా ఉంది."

-క్షీర్​సాగర్​, జుగాడ్ అంబులెన్స్​ రూపకర్త

పుణెలోని 'జుగాడ్​ అంబులెన్సు' ఆటో డ్రైవర్లు

ఆటోలోని ఆక్సిజన్​ సిలిండర్​

ఆస్పత్రుల్లో పడక లభించకపోవటం వల్ల కరోనా రోగులు ఇబ్బంది పడుతున్నారని క్షీర్​సాగర్​ అన్నారు. ఇందుకోసమే తాము 3 ఆటోల్లో ఆక్సిజన్​ సిలిండర్లను ఏర్పాటు చేసినట్లు వివరించారు.

ఇదీ చూడండి: ఆ 10 రాష్ట్రాల్లోనే 72% కరోనా కొత్త కేసులు

ఇదీ చూడండి: గంగానది ఒడ్డున ఇసుకలో మృతదేహాల కలకలం