'భాజపాను, కేంద్ర ప్రభుత్వాన్ని నమ్మలేం'

భారతీయ​ కిసాన్​ యూనియన్ అధ్యక్షుడు నరేశ్ టికాయిత్​ భాజపాపై విమర్శలు చేశారు. భాజపాను, కేంద్ర ప్రభుత్వాన్ని నమ్మలేమని తెలిపారు. గాజీపుర్​లో నిర్వహించిన సమావేశంలో భాగంగా ఈ వ్యాఖ్యలు చేశారు.

భాజపాను, కేంద్ర ప్రభుత్వాన్ని నమ్మలేమని భారతీయ​ కిసాన్​ యూనియన్ (బీకేయూ) అధ్యక్షుడు నరేశ్ టికాయిత్​ అన్నారు. సాగు చట్టాలపై ఉద్యమం సుదీర్ఘకాలం జరిగే అవకాశం ఉన్నందున రైతులు దీనిని వారి దినచర్యలో భాగం చేసుకోవాలని పేర్కొన్నారు. దిల్లీ ఉత్తర్​ప్రదేశ్ సరిహద్దు​లోని గాజీపుర్​లో బుధవారం నిర్వహించిన సమావేశంలో భాగంగా ఈ వ్యాఖ్యలు చేశారు నరేశ్.

"భాజపా ప్రభుత్వాన్ని నమ్మలేము. ఇక నుంచి ఈ ఉద్యమాన్ని మీ దినచర్యలో భాగంగా భావించాలి. సత్యపాల్​ మాలిక్​ (మేఘాలయ గవర్నర్​) వంటి వ్యక్తులు మరింత మంది మనకు మద్దతు తెలుపుతారు. భాజపా ఎంపీలు ప్రస్తుతం ఉక్కిరిబిక్కిరి అవుతున్నారు." అని అన్నారు నరేశ్.

ఇటీవల మేఘాలయ గవర్నర్​ సత్యపాల్​ మాలిక్​ రైతు ఉద్యమానికి మద్దతు తెలిపారు. ఉద్యమంలో 250 మంది రైతులు చనిపోయినా.. ఎవరూ మాట్లాడలేదని వ్యాఖ్యానించారు.

ఇదీ చదవండి : హెల్మెట్​ లేదని ట్రక్కు డ్రైవర్​కు రూ.వెయ్యి జరిమానా