ఓ వ్యక్తి మరణించాడనుకుని కుటుంబసభ్యులు అంత్యక్రియలు జరిపారు. అయితే వారం తరువాత ఆ వ్యక్తి సజీవంగా తిరిగి రావడం చూసి వారంతా నిర్ఘాంత పోయిన ఘటన రాజస్థాన్లో జరిగింది.
రాజసమంద్ జిల్లాకు చెందిన ఓంకార్లాల్ ఈ నెల 11న కుటుంబ సభ్యులకు చెప్పకుండా ఉదయ్పుర్ వెళ్లారు. ఆరోగ్యం క్షీణించడం వల్ల అక్కడే ప్రభుత్వాసుపత్రిలో చేరారు. అదే రోజు ఆ ఆసుపత్రిలో చేరిన గోవర్ధన్ ప్రజాపత్ అనే వ్యక్తి చికిత్స తీసుకుంటూ మరణించారు. మూడు రోజులైనా గోవర్ధన్ శవాన్ని ఎవరూ గుర్తించకపోవడం వల్ల ఆసుపత్రి వర్గాలు పోలీసులకు సమాచారం అందించాయి. చనిపోయిన వ్యక్తి ఫొటోలను వివిధ మాధ్యమాల్లో పోలీసులు ప్రచారం చేశారు.
ఇది తెలుసుకుని ఓంకార్ లాల్ కుటుంబ సభ్యులు మార్చురీ గదికి వచ్చారు. పొరపాటున గోవర్ధన్నే.. ఓంకార్గా భావించారు. పోస్టుమార్టం చేయొద్దని విజ్ఞప్తి చేశారు. శవాన్ని తీసుకుని వెళ్లారు. అదే రోజు అంత్యక్రియలు నిర్వహించారు. అయితే వారం తరువాత ఓం కార్ తిరిగి వచ్చారు.
ఇదీ చూడండి: గర్భిణీని బంధించి.. పిల్లల ముందే అత్యాచారం
