Girl gives birth to a baby: పాఠశాల మానేసి ఇంట్లోనే ఉంటున్న ఓ 17 ఏళ్ల బాలిక వివాహం కాకుండానే గర్భం దాల్చింది. కుటుంబ సభ్యులకు చెప్పకుండా దాచిపెట్టింది. వారం క్రితం ఆడపిల్లకు జన్మనిచ్చింది. అత్యాచారం కేసు నమోదు చేసుకున్న పోలీసులు ఓ 12 ఏళ్ల బాలుడిని అరెస్ట్ చేశారు. తమిళనాడులోని తంజావుర్లో జరిగిన ఈ సంఘటన ఆలస్యంగా వెలుగులోకి వచ్చింది.
ఇదీ జరిగింది: తంజావుర్కు చెందిన 17 ఏళ్ల బాలిక పాఠశాల మానేసి ఇంట్లోనే ఉంటోంది. కొద్ది రోజుల క్రితం అనారోగ్యానికి గురైనప్పటికీ కుటుంబ సభ్యులకు చెప్పలేదు. ఏప్రిల్ 17న తీవ్రమైన కడుపునొప్పి రావటం వల్ల ఆసుపత్రికి తరలించారు కుటుంబ సభ్యులు. పరీక్షలు నిర్వహించిన వైద్యులు బాలిక గర్భవతిగా తేల్చారు. అదే రోజు ఆడపిల్లకు జన్మనిచ్చింది. వివాహం కాకుండానే పాపకు జన్మనిచ్చినట్లు తెలుసుకున్న వైద్యులు.. వెంటనే తంజావుర్ మహిళా పోలీసులకు సమాచారం అందించారు.
ఆసుపత్రికి చేరుకున్న పోలీసులు బాలికను విచారించగా విస్తుపోయే విషయాలు వెలుగులోకి వచ్చాయి. ఇంటి సమీపంలో ఉండే ఓ 12 ఏళ్ల బాలుడు అత్యాచారానికి పాల్పడటం వల్ల గర్భం దాల్చినట్లు తెలుసుకున్నారు. బాలుడిపై పోక్సో సహా ఇతర సెక్షన్ల కింద కేసు నమోదు చేసుకుని అరెస్ట్ చేశారు. వైద్య పరీక్షలు నిర్వహించిన తర్వాత కోర్టులో ప్రవేశపెట్టారు. అనంతరం బాల నేరస్థుల పాఠశాలకు తరలించారు. అయితే.. బాలిక గర్భానికి 12 ఏళ్ల బాలుడే కారణమా లేదా మరెవరైనా ఉన్నారా? అనే కోణంలో దర్యాప్తు చేపట్టారు పోలీసులు.
ఇదీ చూడండి: గర్భం దాల్చాలని ఖైదీ భార్య కోరిక.. భర్తకు 15 రోజులు పెరోల్ ఇచ్చిన కోర్టు
