ముంబయి, చుట్టుపక్కల ప్రాంతాల్లో జరిగిన నేరాల్లో కీలక నిందితుడుగా ఉన్న పేరుమోసిన గ్యాంగ్స్టర్ సురేశ్ పుజారి ఎట్టకేలకు అరెస్ట్ అయ్యాడు. మంగళవారం అతడిని ఫిలిప్పీన్స్లో అరెస్ట్ చేసినట్లు పోలీసులు వర్గాలు తెలిపారు. ఠాణెలో ఎక్కువ కేసులు నమోదైనట్లు ఓ సీనియర్ అధికారి చెప్పారు. నిందితుణ్ని కస్టడీకి కోరినట్లు పేర్కొన్నారు.
ఈ అరెస్ట్పై ముంబయి పోలీసులు అధికారికంగా స్పందించలేదు. ఫిలిప్పీన్స్లోని ఓ వార్తా సంస్థ సురేశ్ బాసప్ప పుజారి అనే వ్యక్తిని పరానాక్ సిటీలో అరెస్ట్ చేసినట్లు పేర్కొంది. చట్టవిరుద్ధంగా నిందితుడు దేశంలో ఉంటున్నట్లు రాసుకొచ్చింది.
పుజారిపై ఇప్పటివరకు ఠాణెలో 23 కేసులు నమోదైనట్లు సీనియర్ అధికారి ఒకరు చెప్పారు. నిందితునిపై ఇంటర్పోల్కు లుక్ ఆవుట్ నోటీసులు ఇచ్చినట్లు పేర్కొన్నారు. 2020 లో అరెస్ట్ అయిన అండర్ వరల్డ్ డాన్ రవి పుజారికి సురేశ్ బంధువు.
ఇదీ చూడండి: మోదీ.. 'జేమ్స్ బాండ్ 007'- టీఎంసీ సెటైర్లు
