Four months girl Molested: నాలుగు నెలల చిన్నారిపై అత్యాచారానికి పాల్పడ్డాడు ఓ కామాంధుడు. బాలికను ఆడిస్తానని చెప్పి నిర్మానుష్య ప్రదేశానికి తీసుకెళ్లి అత్యాచారానికి పాల్పడ్డాడు. బిహార్ పట్నాలోని దానాపుర్లో ఈ దారుణ ఘటన జరిగింది. 35 ఏళ్ల సంతోష్ను నిందితుడిగా గుర్తించారు పోలీసులు. గ్రామస్థులు అతడిని చితకబాది వారికి అప్పగించారు. . నిందితుడు సంతోష్పై పోక్సో చట్టం కింద కేసు నమోదు చేశారు పోలీసులు. అత్యాచారం అనంతరం నిందితుడు మొక్కజొన్న పొలంలో దాక్కున్నాడు. గ్రామస్థులు నిందితుడిని వెతికి దేహశుద్ది చేసి పోలీసులకు అప్పగించారు. బాధితురాలికి నిందితుడు తాతయ్య వరుసవుతాడని పోలీసులు తెలిపారు.
బంగాల్లోని జల్పాయ్గుడిలో మూడు చోట్ల కామాంధులు వరుస దారుణాలకు పాల్పడ్డారు. జిల్లాలోని మేనాగుడిలో సోమవారం ఓ దివ్యాంగ బాలికను కట్టేసి లైంగికంగా వేధించాడు ఓ కామాంధుడు. నిందితుడిని పోలీసులు అదుపులోకి తీసుకున్నారు. బాధితురాలి పక్కింటి వ్యక్తే ఈ ఘటనకు పాల్పడ్డాడని పోలీసులు తెలిపారు. మరోవైపు నాలుగేళ్ల బాలికపై 45 ఏళ్ల కామాంధుడు అత్యాచార యత్నానికి పాల్పడ్డాడు. ఈ ఘటన జల్పాయ్గుడిలోని సదర్ బ్లాక్లో జరిగింది. బాలిక ఇంట్లో ఒంటరిగా ఆడుకుంటున్న సమయంలో ఈ అఘాయిత్యానికి పాల్పడ్డాడు. నిందితుడిపై ఫిర్యాదు చేయడానికి బాధితురాలి కుటుంబ సభ్యులు వెళితే పోలీసులు మధ్యాహ్నం 3నుంచి రాత్రి 11గంటల వరకు ఫిర్యాదు నమోదు చేయలేదని వారు అన్నారు.
మనరాళ్ల వయసున్న బాలికపై: 16 ఏళ్ల మైనర్పై లైంగిక వేధింపులకు పాల్పడ్డాడు 60ఏళ్ల వృద్ధుడు. ఈ ఘటన సోమవారం సాయంత్రం జల్పాయ్గుడిలోని బెలకోబా ప్రాంతంలో జరిగిందని పోలీసులు తెలిపారు. బాధితురాలు ఇంట్లో ఒంటరిగా ఉన్న సమయంలో నిందితుడు ఈ దారుణానికి ఒడిగట్టాడు. దీంతో బాధితురాలు అరుపులు విని తల్లి వచ్చేసరికి నిందితుడు పారిపోయాడని పోలీసులు తెలిపారు. బాలిక కుటుంబసభ్యులు మంగళవారం పోలీసులకు ఫిర్యాదు చేశారు.
ఇదీ చదవండి: మళ్లీ కరోనా కలకలం.. సీఎంలతో ప్రధాని సమీక్ష
