పరువు నష్టం కేసులో మాజీ ప్రధాన మంత్రి దేవగౌడకు బెంగళూరులోని సిటీ సివిల్ అండ్ సెషన్స్ అదనపు న్యాయస్థానం షాక్ ఇచ్చింది. 2012లో నంది ఇన్ఫ్రాస్ట్రక్చర్ కారిడార్ ఎంటర్‌ప్రైజ్ (నైస్) అనే సంస్థపై దేవగౌడ కీలక వ్యాఖ్యలు చేశారు. దీంతో సంస్థ పరువుకు భంగం వాటిల్లిందని ఆ కంపెనీ పరువు నష్టం దావా వేసింది. దీనిపై విచారణ జరిపిన సివిల్ కోర్ట్ న్యాయమూర్తి మల్లన గౌడ రూ.2 కోట్లు పరిహారం చెల్లించాలని ఆదేశించారు.
గతంలో ట్రయిల్ కోర్టు ఇచ్చిన తీర్పుపై అసంతృప్తి చెందిన దేవగౌడ కర్ణాటక హైకోర్టును ఆశ్రయించారు. అయితే ఆ రాష్ట్ర అత్యున్నత న్యాయస్థానం ఆయన పిటిషన్ను కొట్టివేసింది. దీనిపై రూ.10కోట్ల నష్టపరిహారం కోరుతూ నైస్ దాఖలు చేసిన పిటిషన్ను స్వీకరించిన ధర్మాసనం.. విచారించింది. ఈ క్రమంలో దేవగౌడ తన నిర్దోషిత్వాన్ని రుజువు చేసుకోవడంలో విఫలం కావడం వల్ల తాజాగా ఉత్తర్వులు జారీ చేసింది న్యాయస్థానం.
ఇదీ చూడండి: దీదీ సర్కార్కు హైకోర్టు షాక్- 'అధ్యయనం కొనసాగించాల్సిందే'
