ఉత్తర్ప్రదేశ్లోని హాథ్రస్లో విషాదం జరిగింది. కల్తీ మద్యం తాగి.. ఐదుగురు ప్రాణాలు కోల్పోయారు. మరికొంతమంది ఆసుపత్రి పాలయ్యారు. వారిలో ఏడుగురి పరిస్థితి విషమంగా ఉంది. హాథ్రస్లోని నాగ్లా ప్రహ్లదా, నాగ్లా సింఘి ప్రాంతాల్లో బుధవారం ఈ ఘటన జరిగింది.
ఈ ప్రాంతాల్లోని ప్రజలు.. స్థానిక దేవత ఉత్సవాల్లో పాల్గొన్నారు. ఆ సమయంలో నాటు సార సేవించారు. ఈ క్రమంలో పలువురు ఆస్వస్థతకు గురయ్యారు.
మద్యం సరఫరా చేసిన రామహరి అనే వ్యక్తిని పోలీసులు అరెస్టు చేశారు. మృతదేహాలను పోస్టుమార్టం కోసం తరలించారు. కల్తీ మద్యం వల్ల ఈ ఘటన జరిగిందా? లేదా మద్యంలో ఏదైనా విషం కలిసిందా? అనేది.. దర్యాప్తు తర్వాత తెలుస్తుందని పోలీసులు పేర్కొన్నారు.
ఇదీ చూడండి: కరోనా మృతులకు 'మెర్సీ ఏంజెల్స్' అంత్యక్రియలు
ఇదీ చూడండి: ఇంటి కప్పు కూలి ఐదుగురు మృతి
