కర్ణాటకలో నకిలీ వజ్రాన్ని విక్రయించేందుకు ప్రయత్నించిన కేసులో ఐదుగురిని అరెస్ట్ చేశారు పోలీసులు. చిక్కబల్లపురాలోని ఓ ముఠా సభ్యులు.. రంగురాయిని చూపిస్తూ తమకు వజ్రం లభించిందని నమ్మబలికారు. దాన్ని విక్రయించేందుకు సన్నద్ధమై.. రూ.6 కోట్లు విలువకట్టి అమ్మకానికి పెట్టారు.
ఇదీ చదవండి:ఆ రాష్ట్రంలో శునకం అరెస్ట్.. కారణమదే?
పెట్రోల్ బంక్ నిర్మాణం కోసం భూమిని వెతికే పనిలో ఉన్న ప్రశాంత్.. వారి కంటపడ్డాడు. తాము రియల్ ఎస్టేట్ వ్యాపారులమంటూ అతడికి పరిచయమయ్యారు ఆ నిందితులు. తమ వద్ద రూ.6 కోట్ల వజ్రపు రాయి ఉందని, అది తమ పొలంలో దొరికిందని చెప్పారు. అంత సొమ్ము తాను చెల్లించలేనని ప్రశాంత్ అన్నారు. అయితే.. దాన్ని అమ్మేందుకు సహకరిస్తే చాలు.. రూ.3 కోట్లు కమీషన్గా ఇస్తామని ఆశచూపారు. ఈ ఒప్పందానికి సరేనన్నాడు ప్రశాంత్.
ఆ తర్వాత.. అది నకిలీదని తేలడం వల్ల.. నివ్వెరపోవడం ప్రశాంత్ వంతైంది. వెంటనే పోలీసులకు సమాచారమిచ్చాడు. ఈ కేసులో ప్రధాన నిందితుడైన మంజునాథ్ సహా.. అతడికి సహకరించిన మరో నలుగురిని అరెస్ట్ చేశారు పోలీసులు.
ఇదీ చదవండి: కరోనా రోగులకు ఆటో సేవలు- ఉపాధ్యాయుడి ఉదారత
