బాణసంచా ఫ్యాక్టరీలో పేలుడు- ముగ్గురు మృతి

తమిళనాడు శివకాశిలోని ఎం.పుడుపట్టి గ్రామంలో ఉన్న వడివెల్​ బాణసంచా కర్మాగారంలో పేలుడు సంభవించింది. ఈ దుర్ఘటనలో ముగ్గురు కార్మికులు మృతి చెందగా.. నలుగురు తీవ్రంగా గాయపడ్డారు.

గాయపడిన వారిని పుడుపట్టి ప్రభుత్వ ఆసుపత్రికి తరలించారు. బాణసంచా కర్మాగారంలో పేలుడుపై దర్యాప్తు చేపట్టారు పోలీసులు. బాణసంచా తయారు చేస్తుండగా ఒక్కసారిగా పేలుడు జరిగనట్లు ప్రత్యక్ష సాక్ష్యులు తెలిపారు.