యూపీ తుది దశ పోలింగ్​.. బరిలో 613 మంది

UP Election 2022: యూపీలో ఆఖరి దశ ఎన్నికల పోలింగ్​ ప్రారంభమైంది. 54 స్థానాల్లో 613 మంది అభ్యర్థులు పోటీలో నిలిచారు. ఈ ఏడో దశతో యూపీలో ఎన్నికలు పూర్తవుతాయి. మార్చి 10న ఫలితాలు వెలువడనున్నాయి.

UP Election 2022: ఉత్తర్​ప్రదేశ్​ అసెంబ్లీ ఎన్నికల తుది విడత పోలింగ్ ప్రారంభమైంది. 9 జిల్లాల్లోని 54 అసెంబ్లీ స్థానాలకు జరుగుతోంది. మొత్తం 613 మంది అభ్యర్థులు బరిలో నిలిచారు. ఉదయం 7 గంటల నుంచి సాయంత్రం 6 వరకు జరిగే ఈ ఓటింగ్​లో ప్రధాని నరేంద్ర మోదీ నియోజకవర్గమైన వారణాసి పరిధిలోని 10 స్థానాలు కూడా ఉన్నాయి.

ఓటు వేసేందుకు బారులు తీరిన జనం

ఆజామ్​గఢ్, జాన్​పుర్​, మావ్​, గాజీపుర్​, వారణాసి, మిర్జాపుర్​, భదోహి, సోన్​భద్రా, చండోలీ జిల్లాల్లో ఈ ఓటింగ్​ జరుగుతోంది. చండోలీలోని చకియా.. సోన్​భద్రాలోని రాబర్ట్​గంజ్​, దుధి ప్రాంతాల్లో మాత్రం పోలింగ్ సాయంత్రం 4 గంటల వరకే ఉంటుంది.

ఆజామ్​గఢ్​లోని పోలింగ్​ కేంద్రం వద్ద ప్రజలు

ఓటు వేసిన వృద్ధుడు

బరిలో ప్రముఖులు

చివరి దశ పోలింగ్​లో ఉత్తర్​ప్రదేశ్​ పర్యాటక శాఖ మంత్రి నీల్‌కాంత్ తివారీ ఉన్నారు. ఈయన వారణాసి సౌత్​ నియోజక వర్గం నుంచి పోటీ చేస్తున్నారు. మరోవైపు శివ్​పుర్​-వారణాసి నియోజకవర్గం నుంచి అనిల్ రాజ్‌భర్, వారణాసి నార్త్​ నుంచి రవీంద్ర జైస్వాల్, జౌన్​పుర్​ నియోజకవర్గం నుంచి గిరీష్ యాదవ్, మీర్జాపుర్​ నుంచి రామశంకర్ సింగ్ పటేల్​లు పోటీపడుతున్నారు. అంతేగాకుండా క్యాబినెట్​ మంత్రి పదవికి రాజీనామా చేసి ఎస్​పీలో చేరిన ధారాసింగ్​ చౌహాన్​.. ఘోశి నుంచి పోటీలో ఉన్నారు.

2.6 కోట్ల మంది ఓటర్లు అభ్యర్థుల భవితవ్యాన్ని ఈ ఎన్నికలతో తేల్చనున్నారు. ఈ పోలింగ్​తో ఉత్తర్​ప్రదేశ్​ ఎన్నికలు పూర్తవుతాయి. ఎన్నికల ఫలితాలు మార్చి 10న వెలువడనున్నాయి.

ఇదీ చూడండి : రాష్ట్రపతి ఎన్నికపై.. ఐదు రాష్ట్రాల ఫలితాల ప్రభావం ఎంత?