యువతిని కట్టేసి.. ఇంటికి నిప్పంటించిన దుండగులు

ఒడిశాలో దారుణ ఘటన జరిగింది. ఓ విద్యార్థినిని కట్టిపడేసి.. ఆమె ఉండే అద్దె ఇంటికి నిప్పంటించారు కొందరు దుండగులు. ఈ ఘటనలో ఆమెకు తీవ్రగాయాలయ్యాయి. ప్రస్తుతం బాధితురాలు ఆసుపత్రిలో చికిత్స పొందుతోంది.

ఒడిశాలో విషాదకరమైన ఘటన ఒకటి వెలుగులోకి వచ్చింది. ఓ కళాశాల విద్యార్థినిపై దాడికి పాల్పడ్డారు దుండగులు. తొలుత ఆ బాలిక కాళ్లు, చేతులు కట్టేసి.. ఆ తర్వాత ఇంటిని తగులబెట్టి పరారయ్యారు.

ఇదీ జరిగింది..

కటక్​లో కళాశాల విద్యనభ్యసిస్తోన్న ఓ బాలిక.. తల్లిదండ్రులతో కలిసి మాన్సింగ్​పట్నాలోని ఓ అద్దె ఇంట్లో ఉంటోంది.

ఇంట్లో ఎవరూలేని సమయంలో ఆ విద్యార్థినిపై దాడికి పాల్పడ్డారు కొందరు దుండగులు. అనంతరం.. కాళ్లు, చేతులను కట్టేసి.. ఇంటి వెనుకనుంచి నిప్పంటించారు. ఈ ఘటనలో తీవ్రంగా కాలిపోతున్న ఆ అమ్మాయిని రక్షించారు స్థానికులు. బాధితురాలిని ఆసుపత్రికి తరలించారు. ఆమె ప్రస్తుతం ఎస్​సీబీ ఆసుపత్రిలో చికిత్స పొందుతోంది.

ఇంటికి నిప్పు పెట్టిన దుండగులు

కాలిపోయిన సామగ్రి

కలకలం రేపిన ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. ఆ విద్యార్థినిని 15 రోజుల క్రితం.. ఓ యువకుడు బెదిరించినట్లు స్థానికులు చెబుతున్నారు.

ఇదీ చదవండి: 13 నెలల బిడ్డ తల నరికి.. తల్లి ఆత్మహత్య