భారతీయ కిసాన్ యూనియన్ జాతీయ ప్రతినిధి రాకేశ్ టికాయిత్ కేంద్రం తీరుపై మండిపడ్డారు. షరతులు లేని చర్చలకు కేంద్రం సిద్ధమవనంతవరకు దిల్లీ సరిహద్దులను రైతులు వీడబోరని స్పష్టం చేశారు. దేశమంతటా రైతులు ఆందోళనకు దిగుతారని అన్నారు. రాజస్థాన్లోని బెహరోర్కు వెళ్లిన టికాయిత్.. ఈ-బైక్ షోరూం ప్రారంభోత్సవంలో పాల్గొన్నారు.
అధికారంలోకి వచ్చాక స్వామినాథన్ కమిటీ సిఫారసులను అమలు చేస్తామన్న భాజపా.. వాటిని అమలు చేయట్లేదని ఆరోపించారు టికాయిత్. కేంద్రంలో ఉన్నది భాజపా ప్రభుత్వం కాదని కంపెనీలు నడిపే మోదీ ప్రభుత్వం అని దుయ్యబట్టారు. తాము ఏ రాజకీయ పార్టీలో చేరబోమని, ప్రజలకు ఆమోదం కాని చట్టాలను తీసుకువచ్చే ప్రభుత్వాలను మాత్రమే వ్యతిరేకిస్తామని చెప్పారు. పార్లమెంట్లో రైతుల సమస్యలపై ప్రశ్నించని ఎంపీలకు చెందిన ప్రాంతాల్లో ఆందోళనలు చేస్తామని ప్రకటించారు. రైతుల ఆందోళనతో సాధారణ ప్రజలు ఇబ్బందులు ఎదుర్కొంటున్నారన్న ప్రశ్నపై స్పందించిన టికాయిత్.. తమను దిల్లీలోకి అనుమతిస్తే రోడ్లను వెంటనే ఖాళీ చేస్తామని అన్నారు.
ఇవీ చదవండి:పెగాసస్ వివాదంతో ప్రతిపక్షం సంఘటితం!
