Boy Falls From Balcony: బాల్కనీలో ఆడుకుంటున్న బాలుడు హఠాత్తుగా కిందపడిపోయి చనిపోయాడు. ఈ విషాద ఘటన హరియాణాలోని ఫరిదాబాద్లో జరిగింది.
ఎలా జరిగిందంటే?
సెక్టార్ 88లోని ఆర్పీఎస్ పామ్స్ సవానాలో ఉండే ఆయుష్ అనే ఎనిమిదేళ్ల బాలుడు ఆదివారం మధ్యాహ్నం నాలుగో అంతస్తులోని తన ఇంటి బాల్కనీలో ఆడుకుంటున్నాడు. కుర్చీలో నిలబడి ఉన్న అతడు ఒక్కసారిగా వెనక్కి వాలాడు. దీంతో హఠాత్తుగా కిందపడిపోయాడు.
అనంతరం బాలుడిని స్థానిక ఆస్పత్రికి తరలించారు. అయితే అప్పటికే అతడు చనిపోయాడని వైద్యులు నిర్ధరించారు. ఈ చిన్నారి తన తల్లిదండ్రులకు ఒక్కగానొక్క సంతానం. దీంతో బంధువులు కన్నీరుమున్నీరయ్యారు.
ఇదీ చూడండి: ఒకే కుటుంబంలో నలుగురు మృతి.. ఆత్మహత్యా?
