ఆర్మీ హెలికాప్టర్ ప్రమాదంపై ఈటీవీ భారత్తో మాట్లాడారు స్థానికుడు, కూనూర్కు చెందిన కృష్ణ కుమార్. ప్రమాదం జరిగినప్పటి పరిస్థితులను వివరించారు.
ఇంటి పనులు చేసుకుంటుండగా.. ఒక్కసారిగా భారీ శబ్ధం వినిపించిందని, చెట్టును ఓ హెలికాప్టర్ ఢీకొట్టిందని పేర్కొన్నారు.
''నేను నా ఇంటి పనులు చేసుకుంటున్నాను. ఒక్కసారిగా నాకు భారీ శబ్ధం వినిపించింది. అటువైపు తిరిగాను. హెలికాప్టర్ ఓ చెట్టును ఢీకొట్టడం చూశాను. వెంటనే అక్కడికి చేరుకున్నా. హెలికాప్టర్ మొత్తం కాలిపోయింది. చుట్టుపక్కల మొత్తం పొగ దట్టంగా అలుముకొంది. నేను వెంటనే మా ఇంటిపక్కన వ్యక్తిని పిలిచి ఏం జరిగిందో చెప్పా. వెంటనే పోలీసులకు సమాచారం ఇచ్చాం.''
- కృష్ణ కుమార్, స్థానికుడు
బుధవారం మధ్యాహ్నం.. తమిళనాడులోని కూనూర్ సమీపంలో Mi-17V5 హెలికాప్టర్ కుప్పకూలింది. సీడీఎస్ జనరల్ బిపిన్ రావత్, ఆయన భార్య మధులిక సహా ఇతర ఉన్నతాధికారులు అందులో ఉన్నారు. మొత్తం 14 మందికిగానూ 13 మంది చనిపోయినట్లు అధికారులు ప్రకటించారు. మృతుల్లో బిపిన్ రావత్ దంపతులు కూడా ఉన్నట్లు స్పష్టం చేశారు.
ఇవీ చూడండి: Army chopper crash: ఆర్మీ హెలికాప్టర్ క్రాష్ లైవ్ వీడియో!
సీడీఎస్ రావత్ హెలికాప్టర్ క్రాష్- ప్రమాద స్థలంలో భయానక దృశ్యాలు
