తమిళనాడులో ఓ గజరాజును దారుణంగా హింసించారు ఇద్దరు వ్యక్తులు. కోయంబత్తూర్లోని మెట్టుపాలాయంలో ఏనుగుల ప్రత్యేక పునర్వికాస కేంద్రంలో ఈ ఘటన జరిగింది. గజరాజును మావటి ఇష్టారీతిన కొడుతున్న వీడియో వైరల్గా మారింది. దాడికి పాల్పడిన వినిల్ కుమార్ అనే మావటిని హిందూ రిలీజియస్ అండ్ ఛారిటబుల్ ఎండోమెంట్స్ (హెచ్ఆర్ అండ్ సిఇ) ట్రస్ట్ తొలగించాలని ఆదేశించింది. ఈ నేపథ్యంలో మావటితో పాటు మరో వ్యక్తిని అరెస్ట్ చేశారు అటవీ శాఖ అధికారులు.
ఈ కేంద్రానికి రాష్ట్రవ్యాప్తంగా వివిధ ప్రాంతాల నుంచి 26 ఏనుగులతో పాటు శ్రీవిల్లిపుత్తూర్కు చెందిన ఏనుగు జైమాల్యద కూడా పాల్గొంది. ఆ ఏనుగుపై ఇద్దరు వ్యక్తులు దాడికి పాల్పడిన వీడియో వైరల్గా మారింది. ఈ క్రమంలో హెచ్ఆర్ అండ్ సీఈ ట్రస్టు దర్యాప్తు చేపట్టింది. అయితే.. ఏనుగు గొలుసు తెంచుకొని తప్పించుకోవడానికి ప్రయత్నించిందని నిందితులు తెలిపారు. ఈ క్రమంలో మావటి కాలు కూడా తొక్కిందని, అదుపు చేయకపోతే ఇతరులకు ప్రమాదమని భావించి కొట్టినట్లు చెప్పారు.
ఇదీ చూడండి: అడవుల్లో అగ్గి రాజుకుంటోంది!
