Elephant Attack in Kerala: కేరళలోని ఇడుక్కి జిల్లాలో ఓ ప్రజలకు మూడురోజులుగా రేషన్ బియ్యం అందడం లేదు. రాత్రికిరాత్రే రేషన్ దుకాణంలోని బియ్యం బస్తాలు మాయమైపోతున్నాయి. దొంగలెవరో దీనికి కారణం అనుకుంటే పొరపాటే. ఇదంతా చేసింది ఓ ఏనుగు.
ఇంతకీ జరిగిందంటే..?
ఆహారం కోసం వెతుకుతూ.. జనావాసాల్లోకి వచ్చిన ఓ ఏనుగు రేషన్ దుకాణాలపై దాడి చేసి బియ్యాన్ని తినేస్తోంది. రేషన్ దుకాణాలను ధ్వంసం చేసి.. బియ్యాన్ని ఆరగించేస్తోంది. ఆ ప్రాంతంలో గడిచిన మూడు రోజులుగా ఇదే జరుగుతోంది. దీంతో స్థానికులు ఆ ఏనుగుకు 'అరికంబన్' (బియ్యం దొంగ) అని పేరు పెట్టారు. అరికంబన్ను తరిమేందుకు స్థానికులు ఎన్ని ప్రయత్నాలు చేసినా.. అది అక్కడ నుంచి ఒక్క అడుగు కూడా కదలడం లేదు. వారంతా అరిచి గోల పెట్టినా.. తనకేమీ పట్టనట్టు బియ్యాన్ని తింటోంది.
ఒకవేళ రేషన్ దుకాణంలో బియ్యం లేకపోతే ఏకంగా ఇళ్లపై దాడి చేస్తోంది. దీంతో ప్రజలు ప్రాణ భయంతో నిద్ర లేని రాత్రులు గడుపుతున్నారు. తమ సమస్యను తక్షణమే పరిష్కరించాలంటూ అధికారులను కోరుతున్నారు.
ఇదీ చూడండి: పట్టపగలే రెండు హత్యలు.. పోలీసులపై గ్రెనేడ్ దాడులు.. ఇద్దరు నిందితులు హతం
