అసెంబ్లీ ఎన్నికలు సమీపిస్తున్న వేళ తమిళనాడులో బంగారం అక్రమ రవాణా ఉదంతాలు బయటపడుతున్నాయి. తాజాగా.. తిరువారుర్ జిల్లాలో ఓ ద్విచక్ర వాహనదారుడి వద్ద నుంచి 18 కిలోల బంగారాన్ని ఫ్లయింగ్ స్క్వాడ్ అధికారులు స్వాధీనం చేసుకున్నారు. దీని విలువ రూ.6.5 కోట్లు ఉంటుందని చెప్పారు.
మత్తుపెట్టాయ్ చెక్పోస్టు వద్ద నిర్వహించిన తనిఖీల్లో ఈ బంగారం బయటపడినట్లు అధికారులు పేర్కొన్నారు. బంగారం తరలిస్తున్న వ్యక్తి వద్ద అందుకు సంబంధించి సరైన పత్రాలు లేనందున వాటిని స్వాధీనం చేసుకున్నామని తెలిపారు.
జప్తు చేసిన బంగారు ఆభరణాలను తిరుతురైపూండి పోలింగ్ అధికారులకు పోలీసులు అందజేశారు. దీనిపై దర్యాప్తు చేపట్టామని తెలిపారు.
ఇదీ చూడండి:'బంగారం స్మగ్లింగ్ ఉగ్రవాద చర్యేనా?'
