మత్తుకు బానిసైన ఓ యువకుడు.. 50 రూపాయల పంచాయతీ కారణంగా.. ఇంటికి ఎదురుగా ఆడుకుంటున్న 18నెలల చిన్నారిని చంపాడు. ఎట్టకేలకు ఆరు నెలల తర్వాత పోలీసులకు చిక్కాడు.
ఏం జరిగిందంటే..
హరియాణా ఫరీదాబాద్లోని ఖేరా కలాన్, సెక్టార్-56లో నరేశ్ అలియాస్ బిన్ను(22) నివాసం ఉంటున్నాడు. అతడి ఇంటి పక్కనే షా మహమ్మద్ కుటుంబం నివసిస్తోంది. అయితే ఘటన జరగక రెండురోజుల ముందు.. షా మహమ్మద్ కుమార్తె(8) వద్ద నుంచి రూ. 50 కాజేశాడు బిన్ను. ఈ ఇదే విషయంపై షా, బిన్ను వాగ్వాదానికి దిగారు. దీంతో షా కుటుంబంపై బిన్ను కక్ష పెంచుకున్నాడు.
కక్షతో..
ఈ క్రమంలో ఫిబ్రవరి 6న సాయంత్రం.. షా కుమారుడు ఆడుకుంటుండగా.. బిన్ను వచ్చి ఎత్తుకెళ్లాడు. మేడమీదకు తీసుకెళ్లి బాలుడిని నీటి ట్యాంకర్లో వేసి చంపాడు. మెల్లగా అక్కడి నుంచి పరారయ్యాడు. దాదాపు ఆరు నెలలపాటు వివిధ ప్రాంతాల్లో దాక్కున్న బిన్ను.. ఎట్టకేలకు పోలీసులకు చిక్కాడు. బిన్నును అరెస్ట్ చేసిన పోలీసులు.. కోర్టులో హాజరుపరచనున్నారు.
ఇదీ చదవండి: తల్లీకుమారులపైకి దూసుకెళ్లిన బస్సు- తెగిపడ్డ కాళ్లు
