జమ్ము కశ్మీర్‌లోని అనంతనాగ్ జిల్లాలో దారుణం జరిగింది. వేధింపులు తట్టుకోలేక ఓ మహిళ ఆత్మహత్య చేసుకోగా.. ఆమె కుటుంబసభ్యులు, బంధువులు.. ఆగ్రహంతో అత్తవారింటిని తగలబెట్టారు.
జిల్లాలోని మొమినాబాద్‌లో ఈ ఘటన జరిగింది. 30ఏళ్ల నఫీసా తన భర్త అతిఫ్‌ గుల్‌ మిస్గర్‌తో కలిసి స్థానికంగా నివాసం ఉంటోంది. భర్త కుటుంబసభ్యులు వేధింపులకు గురిచేస్తున్నారంటూ ఉరివేసుకొని బలవన్మరణానికి పాల్పడింది. ఈ విషయం తెలుసుకున్న నసీఫా కుటుంబసభ్యులు.. అతిఫ్‌ ఇంటికొచ్చి విధ్వంసానికి పాల్పడ్డారు. ఇంటికి నిప్పంటించారు.
ఈ సమాచారం తెలుసుకొని ఘటనాస్థలానికి చేరుకున్న అగ్నిమాపక సిబ్బంది మంటలను ఆర్పేశారు. అయితే ఇల్లు మాత్రం పూర్తిగా కాలిపోయింది.
ఈ ఘటనపై ఎఫ్ఐఆర్ నమోదు చేసుకొని దర్యాప్తు ప్రారంభించినట్లు పోలీసులు తెలిపారు.
ఇదీ చదవండి: దిల్లీ సరిహద్దులో అన్నదాతల గుడిసెలు
