ముఖ్యమంత్రి మమతా బెనర్జీ బంగాల్ అభివృద్ధికి అడ్డంకిగా మారారని అన్నారు ప్రధాని నరేంద్ర మోదీ. మమత.. బంగాల్ ప్రజల మనోభావాలను దెబ్బతీసిందని పేర్కొన్నారు. డబ్బులు తీసుకుని భాజపా ర్యాలీకి ప్రజలు వస్తున్నారని దీదీ చేసిన వ్యాఖ్యలను తప్పుపట్టారు. ఈవీఎంలు, ఈసీపై మమత పలుమార్లు ఆరోపణలు చేయడాన్ని తీవ్రంగా విమర్శించారు.
"టీఎంసీ నేతలు, మమత ఆలోచనా విధానం వల్ల బంగాల్కు పరిశ్రమలు రాలేదు. అభివృద్ధికి ఆటంకం ఏర్పడింది. 2006-08లో టాటా మోటార్స్ను వ్యతిరేకిస్తూ సింగూర్లో జరిగిన ఉద్యమమే ఇందుకు నిదర్శనం. స్వలాభం కోసం దీదీ.. అభివృద్ధికి అడ్డంకిగా మారడమేంటి?."
--నరేంద్ర మోదీ, ప్రధాని.
కేంద్రం అమలు చేసిన పథకాలనూ దీదీ రాష్ట్రంలో అమలు కానివ్వకుండా చూశారని మోదీ అరోపించారు. బంగాల్లో భాజపా అధికారంలోకి రాగానే పీఎం కిసాన్ నిధిని అమలు చేస్తామని వ్యాఖ్యానించారు. మే 2న ఎన్నికల ఫలితాల తర్వాత నందిగ్రామ్లో దీదీ భవిత్యమేంటో తెలుస్తుందని అన్నారు.
బంగాల్లో మూడో దశ పోలింగ్ జరగనున్న నేపథ్యంలో హూగ్లీలోని అరంబాగ్ ప్రచార సభలో పాల్గొన్న మోదీ ఈ వ్యాఖ్యలు చేశారు.
ఇదీ చదవండి:'కేరళ ప్రతిష్ఠను దెబ్బతీసేందుకే మోదీ యత్నం'
