Flight Ban India: అంతర్జాతీయ విమాన సర్వీసులపై నిషేధం 2022 ఫిబ్రవరి 28 వరకు కొనసాగిస్తున్నట్లు డీజీసీఏ ప్రకటించింది. కొవిడ్ కొత్త వేరియంట్ ఒమిక్రాన్ కేసులతో పాటు కరోనా కేసులు భారీగా పెరుగుతున్న నేపథ్యంలో జనవరి 31 వరకు అంతర్జాతీయ విమాన సర్వీసులను పునరుద్ధరించొద్దని ఇటీవల కేంద్రం నిర్ణయించింది. అయితే తాజాగా దీనిని వచ్చే ఫిబ్రవరి 28 వరకు పొడిగిస్తూ ఉత్తర్వులు జారీచేసింది.
కరోనా విజృంభణ కారణంగా 2020 మార్చి 23 నుంచి అంతర్జాతీయ ప్రయాణీకుల విమానాలను భారత్ నిలిపేసింది. అయితే.. 2020 మే నుంచి వందే భారత్ మిషన్ కింద, 2020 జులై నుంచి ఎంపిక చేసిన దేశాల నుంచి ద్వైపాక్షిక అంతర్జాతీయ విమానాలను అనుమతిస్తోంది.
Flight Ban Extended
అమెరికా, బ్రిటన్, యూఏఈ, కెన్యా, భూటాన్, ఫ్రాన్స్‌ సహా దాదాపు 40 దేశాల నుంచి ప్రత్యేక బయో బబుల్ ఏర్పాటు ప్రాతిపదికన విమానాలను నడిపేందుకు సంస్థలకు అనుమతినిచ్చింది. కార్గో సర్వీసులపై ఎటువంటి ఆంక్షలు లేవని స్పష్టం చేసింది.
ఇవీ చూడండి:
దేశంలో మళ్లీ భారీగా పెరిగిన కరోనా కేసులు
