DFCCIL recruitment 2023 : డెడికేటెడ్ ఫ్రైట్ కారిడార్ కార్పొరేషన్ ఆఫ్ ఇండియా లిమిటెడ్ (డీఎఫ్సీసీఐఎల్) నిరుద్యోలకు శుభవార్త చెప్పింది. ప్రభుత్వ రంగ సంస్థ అయిన డీఎఫ్సీసీఐఎల్లో భారీగా ఉద్యోగాలకు నగారా మోగింది. ఏకంగా 535 ఎగ్జిక్యూటివ్స్, జూనియర్ ఎగ్జిక్యూటివ్స్ పోస్టులకు డీఎఫ్సీసీఐఎల్ నోటిఫికేషన్ రిలీజ్ చేసింది. మరి.. ఈ ఉద్యోగాలకు కావాల్సిన విద్యార్హతలు, వయో పరిమితి, పరీక్షా తేదీ, రుసుము తదితర విషయాల గురించి ఇప్పుడు తెలుసుకుందాం..
DFCCIL vacancy : డీఎఫ్సీసీఐఎల్ భర్తీ చేయనున్న ఎగ్జిక్యూటివ్, జూనియర్ ఎగ్జిక్యూటివ్ పోస్టులకు ఇంజినీరింగ్ డిగ్రీ పూర్తి చేసినవారు అర్హులు. కేంద్ర ప్రభుత్వం లేదా రాష్ట్ర ప్రభుత్వం నుంచి ఇంజినీరింగ్కు సమానమైన డిగ్రీ పట్టాను పొందినవారు కూడా ఈ జాబ్స్కు దరఖాస్తు చేసేందుకు అర్హులే. ఈ ఉద్యోగాలకు మే 20వ తేదీ నుంచి జూన్ 19వ తేదీ లోపు అప్లై చేసుకోవచ్చు. డీఎఫ్సీసీఐఎల్ అధికారిక వెబ్సైట్కు వెళ్లి ఈ ఉద్యోగాలకు దరఖాస్తు చేసుకోవాలి.
తప్పులకు అవకాశం ఇవ్వొద్దు
డీఎఫ్సీసీఐఎల్ పోస్టులకు అప్లై చేసేముందు సంస్థ రిలీజ్ చేసిన నోటిఫికేషన్ను జాగ్రత్తగా చదవాలి. అధికారిక నోటిఫికేషన్ పీడీఎఫ్ను పూర్తిగా చదివితే సరిపోతుంది. వయో పరిమితి, విద్యార్హతలు తదితర విషయాలు నోటిఫికేషన్ను క్షుణ్నంగా చదివితే తెలుస్తాయి. ఆ తర్వాత దరఖాస్తు చేస్తే తప్పులకు ఆస్కారం ఉండదు. డీఎఫ్సీసీఐఎల్ చేపడుతున్న ఈ రిక్రూట్మెంట్కు సంబంధించిన నోటిఫికేషన్ను తమ అధికారిక వెబ్సైట్లో అందుబాటులో ఉంచింది.
అక్కడే అప్లై చేసుకోండి
డీఎఫ్సీసీఐఎల్ భర్తీ చేయనున్న ఎగ్జిక్యూటివ్, జూనియర్ ఎగ్జిక్యూటివ్ పోస్టులకు నేరుగా సంస్థ వెబ్సైట్కు వెళ్లి దరఖాస్తు చేయాల్సి ఉంటుంది. పోస్టుల వారీగా డీఎఫ్సీసీఐఎల్ భర్తీ చేయనున్న ఖాళీలు ఎన్ని ఉన్నాయో ఇప్పుడు తెలుసుకుందాం. సివిల్ విభాగంలో 50 మంది ఎగ్జిక్యూటివ్లను భర్తీ చేసేందుకు డీఎఫ్సీసీఐఎల్ సిద్ధమవుతోంది. ఎలక్ట్రికల్ విభాగంలో 30, ఆపరేషన్స్ అండ్ బిజినెస్ డెవలప్మెంట్ విభాగంలో 235, ఫైనాన్స్ విభాగంలో 14, హెచ్ఆర్ విభాగంలో 19, ఇన్ఫర్మేషన్ టెక్నాలజీ విభాగంలో 6 మంది ఎగ్జిక్యూటివ్స్ను భర్తీ చేయనున్నారు.
భారీగా జూనియర్ ఎగ్జిక్యూటివ్ పోస్టులు
ఎగ్జిక్యూటివ్స్తో పాటు పలు విభాగాల్లో భారీగా జూనియర్ ఎగ్జిక్యూటివ్స్ను తీసుకునేందుకు డీఎఫ్సీసీఐఎల్ నోటిఫికేషన్ జారీ చేసింది. ఎలక్ట్రికల్ విభాగంలో 24, సిగ్నల్ అండ్ టెలీకమ్యూనికేషన్ విభాగంలో 148, మెకానికల్ విభాగంలో 9 జూనియర్ ఎగ్జిక్యూటివ్ పోస్టులను భర్తీ చేయనుంది డీఎఫ్సీసీఐఎల్. ఎగ్జిక్యూటివ్, జూనియర్ ఎగ్జిక్యూటివ్ పోస్టుల ఎంపిక ప్రక్రియ, జీతం తదితర విషయాలు పూర్తిగా నోటిఫికేషన్లో అందుబాటులో ఉంటాయి.
