నదిలో ఖరీదైన 'బీఎండబ్ల్యూ' కారు.. కారణం తెలిసి పోలీసులు షాక్​

BMW Car Cauvery River: కర్ణాటక మండ్య జిల్లా వద్ద కావేరీ నదిలో విలాసవంతమైన బీఎండబ్ల్యూ కారు బయటపడింది. స్థానికుల సమాచారంతో ఘటనా స్థలానికి చేరుకున్న పోలీసులు.. అదెలా వచ్చిందో తెలిసి షాకయ్యారు. అసలేం జరిగిందంటే?

BMW Car Cauvery River: కర్ణాటక మండ్య జిల్లాలో ఓ వింత కేసు వెలుగులోకి వచ్చింది. శ్రీరంగపట్నం నిమిషాంబ ఆలయం సమీపంలోని కావేరీ నదిలో విలాసవంతమైన బీఎండబ్ల్యూ కారు లభ్యమైంది. గురువారం ఈ విషయాన్ని గుర్తించిన స్థానికులు.. పోలీసులకు సమాచారం అందించారు. ఘటనా స్థలానికి చేరుకున్న పోలీసులు.. వాహనాన్ని వెలికితీసి దర్యాప్తు చేపట్టగా అసలు విషయం తెలిసింది. బెంగళూరు మహాలక్ష్మీ లేఅవుట్​ ప్రాంతంలో నివసించే రూపేశ్​కు చెందిన కారుగా గుర్తించారు. అతడే డిప్రెషన్​కు లోనై కారును నదిలో పడేసినట్లు తెలుసుకొని షాకయ్యారు.

కావేరీ నదిలో బీఎండబ్ల్యూ కారు

పోలీసుల వివరాల ప్రకారం.. కొద్దిరోజుల క్రితం రూపేశ్​ తల్లి చనిపోయారు. అప్పటినుంచి అతడి మానసిక పరిస్థితి బాగోలేదు. తీవ్ర కుంగుబాటుకు గురైన రూపేశ్​.. మే 25న తన బీఎండబ్ల్యూ కారును కావేరీ నదిలో పడేశాడు.

ఇవీ చూడండి: దిల్లీ అల్లర్ల నిందితుడికి ఘనస్వాగతం.. భారీగా తరలివచ్చిన జనం.. 4 గంటల పెరోల్​కే!