'డెల్టా' వేరియంట్లు​​ అత్యంత​ ప్రమాదకరమా?

ఈ మధ్య డెల్టా ప్లస్​ వేరియంట్​ గురించి వార్తలు ఎక్కువగా వినిపిస్తున్నాయి. కరోనా రకాల్లో ఇది అత్యంత ప్రమాదకరమని కొందరు చెబుతున్నారు. ఇది వేగంగా విస్తరిస్తుందా? లక్షణాలు ఏంటి? డెల్టాపై కొవాగ్జిన్​ సమర్థంగా పనిచేస్తుందా? మీరు భయపడుతున్న ఈ డెల్టా, డెల్టా ప్లస్​ వేరియంట్ల​ గురించి.. ఈటీవీ భారత్​ మరెన్నో వివరాలు మీకు అందిస్తుంది. తెలుసుకోండి.

దేశం ఇప్పుడిప్పుడే కరోనా మహమ్మారి నుంచి బయటపడుతుందనుకుంటుంటే.. కొవిడ్​-19 కంటే ప్రమాదకరమని భావిస్తున్న డెల్టా ప్లస్​ వేరియంట్​ విజృంభిస్తోంది. ఇప్పటికే ఈ తరహా కేసులు పలు రాష్ట్రాల్లో వెలుగుచూశాయి. ఇదే ప్రజల్లో భయాందోళనలు పెంచుతోంది.

జూన్​ 15వరకు మహారాష్ట్ర, కేరళ, మధ్యప్రదేశ్​లో 40కి పైగా డెల్టా ప్లస్​ కేసులను గుర్తించారు. వేగంగా విస్తరించే అవకాశం ఉన్న డెల్టా వేరియంట్​ను.. 174కుపైగా జిల్లాల్లో గుర్తించగా, దీనిలోనే రూపాంతరం చెందిన డెల్టా ప్లస్​.. 10 రాష్ట్రాల్లోని 48 నమూనాల్లో వెలుగుచూసింది.

మరి.. ఈ డెల్టా ప్లస్​ గురించి మీకెంత వరకు తెలుసు. కొంత ప్రాథమిక సమాచారాన్ని సేకరించిన ఈటీవీ భారత్​.. ఆ విషయాల్ని మీకు అందిస్తోంది.

డెల్టా ప్లస్​ అంటే?

డెల్టా వేరియంట్​లో మ్యుటేషన్​ కారణంగా పుట్టుకొచ్చిన కరోనా రకం. పబ్లిక్​ హెల్త్​ ఇంగ్లాండ్​ బులెటిన్​ ప్రకారం.. జూన్​ 11న భారత్​లో తొలిసారి వెలుగుచూసింది. ఇంకా వ్యాక్సిన్​ తీసుకోని వారిలోనే ఈ వేరియంట్​ వేగంగా వ్యాప్తి చెందుతోందని నిపుణులు చెబుతున్నారు.

డెల్టా వేరియంట్​ ఎందుకు భిన్నం?

డబ్ల్యూహెచ్​ఓ ప్రకారం.. స్పైక్​ ప్రొటీన్​ మ్యుటేషన్లు.. డెల్టాను వేగవంతమైన, ప్రమాదకరమైన వేరియంట్​గా మార్చాయి.

డెల్టా వేరియంట్​ ఎక్కడ నుంచి వచ్చింది?

డెల్టాను బి.1.617.2 అని కూడా పిలుస్తున్నారు. ఇది వైరస్(అంటువ్యాధి)​ సంతతికి చెందిందే. ఏప్రిల్​-మేలో భారత్​లో కరోనా తీవ్ర దశలో ఉన్నప్పుడే ఇది వెలుగుచూసింది.

ఇది మరింత ప్రమాదకరమా?

డెల్టా వేరియంట్​ బారినపడ్డవారు.. ఆస్పత్రిలో చేరే ప్రమాదం ఎక్కువ అని నిపుణులు చెబుతున్నారు. ఇంకా పబ్లిక్​ హెల్త్​ ఇంగ్లాండ్​ అధ్యయనం ప్రకారం యూకే స్ట్రెయిన్​(అల్ఫా) కంటే.. 60 శాతం వేగంగా ఇది వ్యాపిస్తోంది. వ్యాక్సిన్లనూ తట్టుకొనే సామర్థ్యం ఉందంట.

వేగంగా విస్తరిస్తోందా?

అవును. డెల్టా వేరియంట్​ 80 దేశాలకుపైగా విస్తరించింది. అల్ఫా కంటే వేగంగా సంక్రమిస్తోంది. యూకేలో నమోదయ్యే రోజువారీ కరోనా కేసుల్లో.. 90 శాతానికిపైగా డెల్టా వేరియంట్​వే కావడం గమనార్హం.

లక్షణాలు వేరేనా?

డెల్టా వేరియంట్​.. తీవ్రమైన లక్షణాలు కలిగిఉన్నట్లు పలు అధ్యయనాలు చెబుతున్నాయి. కానీ.. ఇంకా పరిశోధన అవసరం. అయితే.. డెల్టా ఇతర వేరియంట్ల కంటే భిన్నమైన లక్షణాలను కలిగిఉండే సూచనలే ఉన్నాయి.

కొవాగ్జిన్​ డెల్టాపై సమర్థంగా పనిచేస్తుందా?

కేంద్ర ఆరోగ్య మంత్రిత్వ శాఖ ప్రకారం.. భారత వ్యాక్సిన్లు కొవాగ్జిన్​, కొవిషీల్డ్​ డెల్టా వేరియంట్​పై సమర్థంగా పనిచేస్తున్నాయి. డెల్టా ప్లస్​పై పరిశోధనలు సాగుతున్నాయని పేర్కొంది.

నాకు కొవిడ్​-19 వచ్చింది? అయినా డెల్టా వేరియంట్​ సోకే అవకాశముందా?

కొవిడ్​-19 సోకినవారికి డెల్టా రాకుండా.. రక్షణ లభించవచ్చు. కానీ.. ఇది కచ్చితంగా జరుగుతుందని చెప్పలేం.

ఇవీ చదవండి: డెల్టా ప్లస్​తో మరో ముప్పు తప్పదా- నిపుణుల మాటేంటి?