అవయవదానంపై చైతన్యం కల్పిస్తూ, అవయవదాతలకు కృతజ్ఞతలు తెలుపుతూ ఒంటరిగా 700 కిలోమీటర్ల సైకిల్ యాత్ర పూర్తిచేశాడు దిల్లీకి చెందిన 19 ఏళ్ల దక్ష యాదవ్.
అవయవదానంపై చైతన్యం..
ఓ వ్యక్తి చనిపోయినప్పటికీ అవయవదానం ద్వారా మరో 80 మంది జీవితాలలో వెలుగులు నింపవచ్చు. ఈ సందేశంతోనే రెండు రోజుల క్రితం దిల్లీ నుంచి బయలుదేరిన దక్ష.. 700 కిలోమీటర్లు ప్రయాణించి ఆదివారం జైపుర్లోని అవయవదాన స్మారక నిర్మాణం వద్దకు చేరుకున్నాడు. అతనికి మోహన్ ఫౌండేషన్ ఘన స్వాగతం పలికింది. ఈ సంస్థ దేశవ్యాప్తంగా అవయవదానంపై చైతన్యపరుస్తోంది.
దిల్లీ ఎయిమ్స్లోని 'అవయవ పునరుజ్జీవ బ్యాంకు' బాధ్యతలు చూసే రాజీవ్ మఖూరి ఇచ్చిన స్ఫూర్తితో ఈ యాత్ర చేపట్టినట్లు దక్ష తెలిపాడు.
ఇదీ చదవండి : 'లీగల్‌ క్లినిక్‌'లతో న్యాయసేవలకు నవ్యపథం
