రివాల్వర్​తో కాల్చుకుని ఎస్​ఐ ఆత్మహత్య

పని భారం తట్టుకోలేక దిల్లీ పోలీసుకు చెందిన ఓ ఎస్​ఐ ఆత్మహత్య చేసుకున్నట్లు తెలుస్తోంది. పై అధికారుల నుంచి ఆయనపై విపరీతమైన ఒత్తిళ్లు ఉండేవని ఆ ఎస్ఐ భార్య తెలిపారు.

సర్వీస్ రివాల్వర్​తో కాల్చుకుని ఆత్మహత్యకు పాల్పడ్డారు దిల్లీ పోలీసు ఎస్​ఐ రాహుల్​ సింగ్. 2017లో పాండవ్​ నగర్​ ఠాణాలో విధుల్లోకి చేరిన ఆయన.. తీవ్ర పని ఒత్తిడితోనే బలవన్మరణానికి పాల్పడ్డారని రాహుల్​ భార్య పేర్కొన్నారు.

"స్టేషన్​ హౌస్​ ఆఫిసర్​(ఎస్​హెచ్​ఓ) నుంచి ఆయన(రాహుల్)పై చాలా ఒత్తిళ్లు ఉన్నాయి. ఎప్పుడు ఫోన్ చేసినా తనకు సమయం లేదని చెప్పేవారు. సరిగ్గా నిద్ర పోయేవారు కాదు. ఆయనకు సెలవులూ దొరికేవి కావు," అని రాహుల్​ భార్య ఆవేదన వ్యక్తం చేశారు. రాహుల్​ ఎప్పుడూ తన పని భారం గురించే మట్లాడేవారని అయన సోదరుడు తెలిపారు.

రాహుల్​ మృతదేహాన్ని పోస్టుమార్టం కోసం పంపించినట్లు పోలీసులు తెలిపారు. ప్రస్తుతం దర్యాప్తు కొనసాగుతోంది.

ఇదీ చూడండి: ఒకే కుటుంబంలో నలుగురు ఆత్మహత్య!