Covid cases in india: భారత్లో కరోనా కేసులు స్వల్పంగా పెరిగాయి. మంగళవారం కొత్తగా 1,829 కేసులు వెలుగుచూశాయి. మరో 33 మంది చనిపోయారు. ఒక్కరోజే 2,549 మంది మహమ్మారి నుంచి కోలుకున్నారు. రికవరీ రేటు 98.75 శాతంగా ఉన్నట్లు కేంద్ర ఆరోగ్య శాఖ వెల్లడించింది. యాక్టివ్ కేసులు 15,647కు చేరాయి. మరణాల రేటు 1.22 శాతంగా ఉంది.
- మొత్తం కరోనా కేసులు: 4,31,27,199
- మొత్తం మరణాలు: 5,24,293
- యాక్టివ్ కేసులు: 15,647
- కోలుకున్నవారి సంఖ్య: 4,25,87,259
Vaccination India: దేశవ్యాప్తంగా మంగళవారం 14,97,695 మందికిపైగా టీకాలు అందించగా.. ఇప్పటివరకు పంపిణీ చేసిన వ్యాక్సిన్ డోసుల సంఖ్య 1,91,65,00,770కు చేరింది. ఒక్కరోజే 4 లక్షల 34 వేల 962 మందికి కరోనా టెస్టులు నిర్వహించారు.
World Covid Cases: ప్రపంచవ్యాప్తంగా కరోనా కేసులు భారీగా నమోదవుతున్నాయి. ఒక్కరోజే మరో 8.3 లక్షల మందికిపైగా వైరస్ బారినపడ్డారు. మరో 1,590 మంది ప్రాణాలు కోల్పోయారు. మొత్తం కేసుల సంఖ్య 52,37,80,750కు చేరింది. మరణాల సంఖ్య 62,92,464కు చేరింది. మొత్తం కోలుకున్నవారి సంఖ్య 49,36,48,361గా ఉంది.
- అమెరికాలో కొత్తగా 75,368 కేసులు బయటపడగా.. 305 మంది ప్రాణాలు కోల్పోయారు.
- జర్మనీలో 82,591 మందికి కరోనా సోకగా.. 176 మంది మృతిచెందారు.
- ఆస్ట్రేలియాలో మరో 67,650కు పైగా కొత్త కేసులు వెలుగు చూశాయి. 65 మంది మరణించారు.
- ఇటలీలో కొత్తగా 44,489 మందికి వైరస్ సోకింది. 148 మంది ప్రాణాలు కోల్పోయారు.
- ఫ్రాన్స్లో 43,727 కొవిడ్ కేసులు నమోదుకాగా.. 90 మంది మహమ్మారికి బలయ్యారు.
కొరియాలో తగ్గని ఉద్ధృతి: ఉత్తర కొరియాలో కరోనా వైరస్ తీవ్రస్థాయిలో విరుచుకుపడుతోంది. తాజాగా కరోనా బారినపడి మరో ఆరుగురు మృతిచెందగా.. 2,32,880 మంది జ్వరం లక్షణాలతో ఉన్నట్లు గుర్తించామని ఆ దేశ ఆరోగ్య శాఖ తెలిపింది. ఆ దేశంలో మొత్తం కరోనా మరణాల సంఖ్య 62కు చేరింది. కరోనా వ్యాప్తి ప్రభుత్వం వెల్లడించిన వివరాల కన్నా తీవ్రంగానే ఉన్నట్లు ఆరోగ్య నిపుణులు భావిస్తున్నారు. అక్కడ వైరస్ టెస్టింగ్కు సరిపడా ఏర్పాట్లు లేకపోవడం వల్ల తీవ్రతపై స్పష్టత లేదని పేర్కొన్నారు.
ఇదీ చూడండి : కరోనా బాధితులను గుర్తిస్తున్న జాగిలాలు!
