Bihar deputy cms tests covid postive: దేశంలో కరోనా మహమ్మారి బీభత్సం సృష్టిస్తోంది. వివిధ రాష్ట్రాల్లో పాజిటివ్ కేసులు భారీగా పెరిగిపోతున్నాయి. బిహార్లో ఆ రాష్ట్ర ఉప ముఖ్యమంత్రులు రేణూ దేవీ, తారా ప్రసాద్ కిశోర్ సహా మంత్రులు సునీల్ కుమార్, విజయ్ చౌదరి, అశోక్ చౌదరికి కరోనా నిర్ధరణ అయింది.
"కొవిడ్ పరీక్షలో నాకు పాజిటివ్ వచ్చింది. ప్రసుత్తం పట్నాలోని నా నివాసంలో క్వారంటైన్లో ఉన్నాను. నన్ను ఇటీవల కలిసిన వారంతా దయచేసి పరీక్షలు చేయించుకోండి" అని తారాకిశోర్ ట్వీట్ చేశారు.
Punjab coronavirus: పంజాబ్లోనూ కరోనా మహమ్మారి కలకలం సృష్టిస్తోంది. శిరోమణి ఆకాలీ దళ్(సంయుక్త్) అధ్యక్షుడు, రాజ్యసభ ఎంపీ సుఖ్దేవ్ సింగ్ ధిండ్సా కరోనా బారినపడ్డారు.
అమితాబ్ సిబ్బందిలోనూ..
బాలీవుడ్ దిగ్గజ నటుడు అమితాబ్ బచ్చన్ కార్యాలయంలోనూ ఓ సిబ్బందికి కరోనా సోకింది. ఈ విషయాన్ని బృహన్ ముంబయి మున్సిపల్ కార్పొరేషన్(బీఎంసీ) అధికారి ఒకరు తెలిపారు. అమితాబ్కు చెందిన రెండు భవనాల్లోని మొత్తం 31 మంది సిబ్బందికి పరీక్షలు జరపగా.. ఓ వ్యక్తికి కరోనా సోకినట్లు తేలిందని చెప్పారు. సదరు వ్యక్తి ప్రస్తుతం క్వారంటైన్లో ఉన్నారన్నారు. బాధితునితో సన్నిహితంగా ఉన్న వారిని గుర్తిస్తున్నామని పేర్కొన్నారు.
India covid cases:
మరోవైపు.. దేశంలో కరోనా కేసులు భారీగా నమోదయ్యాయి. మంగళవారం ఒక్కరోజే 58,097 కేసులు వెలుగుచూశాయి. మరో 534మంది ప్రాణాలు కోల్పోయారు. 15,389 మంది కోలుకున్నారు. దేశంలో రోజువారీ పాజిటివిటీ రేటు 4.18 శాతంగా ఉందని కేంద్ర వైద్య, ఆరోగ్యశాఖ తెలిపింది.
ఇదీ చూడండి: భారత్ బయోటెక్ చుక్కల మందు టీకా పరీక్షలకు అనుమతి
