India covid cases: దేశంలో కరోనా కేసులు మరోసారి తగ్గుముఖం పట్టాయి. కొత్తగా 22,270 మందికి కరోనా నిర్ధరణ అయింది. మరో 325 మంది మరణించారు. 60,298 మంది బాధితులు కోలుకున్నారు. పాజిటివిటీ రేటు 1.08 శాతానికి చేరినట్లు వైద్య ఆరోగ్య శాఖ అధికారులు వెల్లడించారు.
- మొత్తం మరణాలు: 5,11,230
- యాక్టివ్ కేసులు: 2,53,739
- మొత్తం కోలుకున్నవారు: 4,20,37,536
Vaccination in India:
దేశంలో వ్యాక్సినేషన్ వేగంగానే కొనసాగుతోంది. శుక్రవారం మరో 36,28,578 మందికి టీకాలు అందించారు. దీంతో ఇప్పటివరకు పంపిణీ అయిన మొత్తం డోసుల సంఖ్య 1,75,03,86,834కు చేరింది.
Covid Tests in India: దేశవ్యాప్తంగా శుక్రవారం 12,35,471 కరోనా పరీక్షలు చేశారు. మొత్తం టెస్టుల సంఖ్య 75,54,64,684కు చేరింది.
World Covid cases:
ప్రపంచవ్యాప్తంగా కరోనా కేసులు భారీగానే నమోదవుతున్నాయి. 24 గంటల వ్యవధిలో 42 లక్షలకు పైగా కేసులు బయటపడ్డాయి. జర్మనీ, రష్యా, బ్రెజిల్, అమెరికా దేశాల్లో వైరస్ ఉద్ధృతి కొనసాగుతూనే ఉంది.
- అమెరికాలో కేసులు భారీగానే నమోదవుతున్నాయి. కొత్తగా 1,08,480 మందికి వైరస్ సోకింది. మరో 2,070 మంది వైరస్ కారణంగా మృతిచెందారు.
- జర్మనీలో కొత్తగా 2,06,037 లక్షల కొవిడ్ కేసులు నమోదయ్యాయి. మరో 246 మంది మహమ్మారి కారణంగా ప్రాణాలు కోల్పోయారు.
- రష్యాలో 1,80,071 మందికి వైరస్ నిర్ధరణ అయింది. కొత్తగా 784 మంది ప్రాణాలు కోల్పోయారు.
- బ్రెజిల్లో 24 గంటల్లో 1,22,748 మంది వైరస్ బారిన పడ్డారు. తాజాగా 1,114 కొవిడ్ కారణంగా మృతిచెందారు.
ఇదీ చూడండి: '80 శాతం మంది వయోజనులకు వ్యాక్సినేషన్ పూర్తి'
