పాఠశాలకు వెళ్లి ఎన్నో విషయాలు నేర్చుకోవాల్సిన పిల్లలు మహమ్మారికారణంగా ఇంటికే పరిమితమయ్యారు. ఆన్లైన్ తరగతులు నిర్వహిస్తున్నా.. ప్రయోజనం అంతంతమాత్రంగానేఉంటోంది. రోజంతా ఆటపాటలతో గడిపేస్తూ వారి విలువైన సమయాన్ని వృథాచేసుకుంటున్నారు. ఈ విషయాన్ని గమనించిన ఓ ఆరేళ్ల బాలిక..ప్రత్యేక గ్రంథాలయాలు ఏర్పాటు చేసింది.
మహారాష్ట్రలోని ఔరంగాబాద్కు చెందిన మిర్జా మరియం.. మొహల్లా లైబ్రెరీ పేరుతో నగరంలోని మురికివాడల్లోఉచిత గ్రంథాలయాలను నిర్వహిస్తోంది. 6వ తరగతి చదువుతున్న మరియం.. తండ్రి సాయంతో 11 ప్రాంతాల్లో వీటిని ఏర్పాటు చేసింది.
మరియం ఏర్పాటు చేసిన ఈ లైబ్రరీల్లో ఒక్కో దాంట్లో సుమారు 500 పుస్తకాలు ఉంటాయి.
"లాక్డౌన్తో పాఠశాలలు మూతపడ్డాయి.దీంతో పిల్లలు అంతా తమ విలువైన సమయాన్ని ఆటలకే పరిమితం చేశారు.ఆన్లైన్ క్లాసులు ఉన్నా ఎలాంటి ఉపయోగం ఉండట్లేదు. ఇందుకోసమే నేను ఈ లైబ్రరీలను ప్రారంభించాలని అనుకున్నాను. మా నాన్న గతేడాది నాకు బహుమతిగా 150 పుస్తకాలను ఇచ్చారు.ఈ పుస్తకాలను, నా వద్ద ఉన్న మరో 150 పుస్తకాలు సహా మరికొన్నింటిని సేకరించి గ్రంథాలయాలను ఏర్పాటు చేశాను."
-మిర్జా మరియం, విద్యార్థిని
తాము ఏర్పాటు చేసిన లైబ్రరీలకు సుమారు 2000 మంది పిల్లలు వస్తారని మరియం తండ్రి చెప్పారు.పిల్లలు ఎక్కువగా చదవడానికి ఇష్టపడరన్న మాటలో వాస్తవం లేదంటున్నారు.
"మా అమ్మాయి చెప్పిన ఈ కాన్సెప్ట్ మాకుబాగా నచ్చింది. నగరంలో పిల్లల కోసం ప్రత్యేకంగా లైబ్రరీలు లేవు.పిల్లలు చదవడానికి ఇష్టపడరు అని చాలా మంది అంటుంటారు. అది నిజం కాదు. వారికి అసలు మంచి పుస్తకాలే అందడం లేదు.దీనిని దృష్టిలో పెట్టుకుని మేం ఈ గ్రంథాలయాలను ప్రారంభించాం.నగరంలో 11 ప్రాంతాల్లో ఏర్పాటు చేసిన ఈ లైబ్రరీల్లోపిల్లలకు ఉచితంగానే పుస్తకాలు అందిస్తున్నాం. ఈ లైబ్రరీలకు సుమారు2000 మంది వచ్చి పుస్తకాలు తీసుకువెళ్తున్నారని నా అంచనా."
-మిర్జా అబ్దుల్ కయీం నద్వీ, మరియం తండ్రి
పిల్లల చదువుల కోసం గ్రంథాలయం ఏర్పాటు చేసి ఉచితంగా పుస్తకాలుఅందిస్తున్న మరియం ఎందరికో స్ఫూర్తిగా నిలుస్తోంది.
ఇదీ చదవండి : 6 కోట్ల ఏళ్ల నాటి రాతి స్తంభాలు మహారాష్ట్రలో లభ్యం
