Chhattisgarh Election 2023 Labour Eswar Sahu : 90 అసెంబ్లీ స్థానాలున్న ఛత్తీస్గఢ్లో 54 చోట్ల విజయం సాధించిన బీజేపీ అధికార పీఠాన్ని కైవసం చేసుకుంది. ఈ ఎన్నికల్లో ఓ సామాన్యుడి విజయం.. రాజకీయ వర్గాల్లో సంచలనం సృష్టించింది. కుమారుడి హత్యతో కడుపుమండి ఎన్నికల బరిలో దిగిన ఓ దినసరి కూలీ ఏడుసార్లు ఎమ్మెల్యేగా గెలిచిన అభ్యర్థిపై విజయం సాధించి శాసనసభలో అడుగుపెట్టారు. ఈ విజయం ఛత్తీస్గఢ్లో పెను సంచలనం సృష్టించింది.
ఛత్తీస్‌గఢ్‌కు చెందిన ఈశ్వర్ సాహు ఓ దినసరి కూలీ. సాహు పనికి వెళ్తేనే వాళ్లింట్లో పూట గడిచేది. ఈశ్వర్‌సాహు కుమారుడు ఈ ఏడాది ఛత్తీస్గఢ్లో జరిగిన అల్లర్లలో కన్నుమూశాడు. ఏప్రిల్ 2023లో సాజా అసెంబ్లీ నియోజకవర్గంలోని బీరాన్‌పూర్ గ్రామంలో మతపరమైన అల్లర్లు జరిగాయి. ఈ ఘటనలో మొత్తం ముగ్గురు చనిపోయారు. ఇందులో ఈశ్వర్ సాహు కుమారుడు భువనేశ్వర్ సాహు కూడా ఉన్నాడు. కాంగ్రెస్ ప్రభుత్వ హయాంలో తన కుమారుడు మృతి చెందడాన్ని ఈశ్వర్ సాహు జీర్ణించుకోలేకపోయారు. కుమారుడి హత్యతో కాంగ్రెస్ ప్రభుత్వంపై ఈశ్వర్ ఆగ్రహంతో రగిలిపోయాడు. ఈ కేసులో దోషులకు ప్రభుత్వం అండగా నిలుస్తోందని బీజేపీ కూడా ఆరోపించింది.
ఈ పరిస్థితుల్లో ఎన్నికలు వచ్చాయి. కుమారుడి హత్యతో రగిలిపోతున్న ఈశ్వర్ సాహును భారతీయ జనతా పార్టీ సాజా అసెంబ్లీ స్థానం నుంచి బరిలోకి దించింది. ఈ స్థానంలో కాంగ్రెస్ పార్టీ నుంచి రాజకీయ దిగ్గజం, ఏడుసార్లు ఎమ్మెల్యేగా గెలిచిన రవీంద్ర చౌబే సాజా బరిలోకి దిగారు. ఎన్నికల ఫలితాల్లో కాంగ్రెస్ ఎమ్మెల్యే రవీంద్ర చౌబేపై ఈశ్వర్ సాహు 5,527 ఓట్ల మెజారిటీతో గెలుపొంది చరిత్ర సృష్టించారు. ఓ సామాన్యుడు ఎమ్మెల్యేగా ఎన్నికవడంపై ప్రజలు ఇది కదా విజయమంటే అని కొనియాడుతున్నారు.
మరోవైపు, ఈటీవీ భారత్తో ఈశ్వర్ సాహు ప్రత్యేకంగా మాట్లాడారు. అసత్యంపై సత్యం గెలిచిందని ఆయన తెలిపారు. తన విజయానికి సహకరించిన వారిందరికి ధన్యవాదాలు చెప్పారు. ప్రజలకు అడుగడుగునా అండగా ఉంటానని హామీ ఇచ్చారు. కాంగ్రెస్ అనేక తప్పులు చేసినట్లు ఆరోపించారు. తాను కాంగ్రెస్ కోసం పెద్దగా మాట్లాడానని.. కానీ అసత్యంపై సత్యం సాధించిన విజయం తన గెలుపు అని చెప్పారు.
ఛత్తీస్గఢ్లో బీజేపీ మేజిక్- కాంగ్రెస్కు బిగ్ షాక్! ఎగ్జిట్ పోల్స్ అంచనాలు తారుమారు!!
ఛత్తీస్గఢ్లో బీజేపీ అద్భుతం- పక్కా స్కెచ్తో బఘేల్ పాలనకు తెర
