'ఆక్సిజన్​ కొరతతో 24 మంది మృతి- ఎవరిదీ పాపం?'

కర్ణాటక చామరాజనగర్​ జిల్లా ఆసుపత్రిలో ఆక్సిజన్​ కొరతతో 24 గంటల్లోనే 24 మంది రోగులు ప్రాణాలు కోల్పోయారు. ఈ ఘటనపై రాజకీయ దుమారం చెలరేగింది. రోగుల మృతికి రాష్ట్ర ప్రభుత్వమే కారణమని కాంగ్రెస్​ ఆరోపించింది. ఆరోగ్య మంత్రి రాజీనామా చేయాలని డిమాండ్​ చేసింది. మరోవైపు.. ఘటనపై విచారం వ్యక్తం చేసిన సీఎం యడియూరప్ప.. పరిస్థితిని చక్కదిద్దాలని ఆరోగ్య మంత్రిని ఆదేశించారు.

ఆక్సిజన్​ కొరతతో కర్ణాటకలోని చామరాజనగర్​ జిల్లా ఆసుపత్రిలో 24 గంటల్లోనే 24 మంది ప్రాణాలు కోల్పోవటం కలకలం రేపుతోంది. మరో 50 మందికిపైగా కరోనా రోగులు ప్రాణవాయువు సమస్యను ఎదుర్కొంటున్నారు. ఆక్సిజన్​ అందక కలబురగిలోని కేబీఎన్​ ఆసుపత్రిలో నలుగురు రోగులు మరణించిన మరుసటి రోజునే ఈ ఘటన జరగటం తీవ్ర ఆందోళన కలిగిస్తోంది. ఆక్సిజన్​ కొరతపై ప్రభుత్వం వెంటనే చర్యలు తీసుకోవాలని రోగుల బంధవులు డిమాండ్​ చేశారు.

మృతుల బంధువుల రోదనలు

మరోవైపు.. ఈ ఘటనలో 24 మంది ఆక్సిజన్​ కొరతతోనే చనిపోలేదని, ఇతర కారణాలు ఉన్నాయని చామరాజనగర్​ డిప్యూటీ కమిషనర్​ రవి పేర్కొన్నారు. ఈ విషయంపై దర్యాప్తు చేపట్టామని, అన్ని నిజాలు తెలుస్తాయన్నారు.

నవ వరుడు మృతి..

చామరాజనగర్​ ఆసుపత్రి ఘటనలో ఓ నవ వరుడు ప్రాణాలు కోల్పోయాడు. మైసూర్​ జిల్లా దొడ్డహోమ్మ గ్రామానికి చెందిన యువకుడికి రెండు నెలల క్రితం వివాహం జరిగింది. ఇటీవల కరోనా సోకగా.. ఆసుపత్రిలో చేరాడు. ఆసుపత్రిలో ఆక్సిజన్​ అయిపోవచ్చిందని ఆదివారం తమ బంధువులతో వీడియో కాల్​లో మాట్లాడిన మరుసటి రోజునే మరణించాడు.

ఆసుపత్రి ముందు మృతుల బంధువులు

'దోషులపై చర్యలు తీసుకుంటాం'

ఈ విషాద ఘటనకు కారణమైన వారిపై చర్యలు చేపడతామని జిల్లా ఇన్​ఛార్జి, రాష్ట్ర మంత్రి సురేశ్​ కుమార్​ తెలిపారు. అన్ని మరణాలకు ఆక్సిజన్​ సమస్య కారణం కాదని.. ఇలాంటి సంఘటనలు పునరావృతం కాకుండా చూసుకుంటామని హామీ ఇచ్చారు. సరిపడా ఆక్సిజన్​ సిలిండర్ల కోసం ఉన్నతాధికారులతో మాట్లాడినట్లు చెప్పారు.

సీఎం యడియూరప్ప విచారం..

చామరాజనగర్​ ఆసుపత్రిలో 24 గంటల్లోనే 24 మంది రోగులు ప్రాణాలు కోల్పోవటంపై ముఖ్యమంత్రి యడియూరప్ప విచారం వ్యక్తం చేశారు. ఈ ఘటనపై రాష్ట్ర ఆరోగ్య శాఖ మంత్రి సుధాకర్​తో మాట్లాడారు. ఆక్సిజన్​ కొరతకు గల కారణాలు, సరఫరా విధానం, అధికారుల మధ్య సమన్వయం వంటి వివరాలను అడిగి తెలుసుకున్నారు. మైసూర్​ జిల్లా కలెక్టర్​ రోహిణి సింధూరి.. ఆక్సిజన్​ సరఫరా కోసం ఏజెన్సీలకు ఆర్డర్​ ఇచ్చినప్పటికీ రవాణా చేయలేదని సీఎంకు తెలిపారు మంత్రి. ఈ క్రమంలో.. వెంటనే సంఘటనా స్థలానికి చేరుకుని, సమస్యను నియంత్రించాలని మంత్రితో పాటు జిల్లా ఇంఛార్జి సురేశ్​ కుమార్​ను ఆదేశించారు యడియూరప్ప.

పరిస్థితిపై సమీక్షిస్తున్న సీఎం యడియూరప్ప

సీఎంతో సమావేశం అనంతరం.. మీడియాతో మాట్లాడారు ఆరోగ్య మంత్రి సుధాకర్​. చామరాజనగర్​ జిల్లాలో ఆక్సిజన్​ కొరతకు మైసూర్​, చామరాజనగర్​ జిల్లాల అధికారులదే బాధ్యతని తెలిపారు. ఇరు జిల్లాల అధికారుల మధ్య సమన్వయం లేకనే కొరతకు దారితీసినట్లు పేర్కొన్నారు. ఈ సమస్యను పరిష్కరించేందుకు కృషి చేస్తున్నట్లు చెప్పారు.

కాంగ్రెస్​ విమర్శలు..

చామరాజనగర్​ ఆసుపత్రి ఘటనకు అధికార భాజపానే కారణమని ఆరోపించింది కాంగ్రెస్​. ఇంకా ఎంతమంది ప్రాణాలు కోల్పోవాలి అని ట్విట్టర్​ వేదికగా ప్రశ్నించారు కాంగ్రెస్​ అగ్రనేత రాహుల్​ గాంధీ. మృతుల కుటుంబాలకు సంతాపం తెలిపారు.

• Died or Killed?
  
  My heartfelt condolences to their families.
  
  How much more suffering before the ‘system’ wakes up? pic.twitter.com/JrfZbIo7zm

  — Rahul Gandhi (@RahulGandhi) May 3, 2021 " class="align-text-top noRightClick twitterSection" data="

  Died or Killed?
  
  My heartfelt condolences to their families.
  
  How much more suffering before the ‘system’ wakes up? pic.twitter.com/JrfZbIo7zm

  — Rahul Gandhi (@RahulGandhi) May 3, 2021

  ">

  Died or Killed?
  
  My heartfelt condolences to their families.
  
  How much more suffering before the ‘system’ wakes up? pic.twitter.com/JrfZbIo7zm

  — Rahul Gandhi (@RahulGandhi) May 3, 2021

" చనిపోయారా? చంపేశారా? మృతుల కుటుంబాలకు నా సంతాపం. వ్యవస్థ మేల్కొనే లోపు ఇంకా ఎంతమంది ప్రాణాలు కోల్పోవాలి? "

- రాహుల్​ గాంధీ, కాంగ్రెస్​ అగ్ర నేత

ఆరోగ్య మంత్రిని అరెస్ట్​ చేయాలి: సుర్జేవాలా

24 మంది ప్రాణాలు కోల్పోయిన ఘటనపై తీవ్రంగా స్పందించారు ఏఐసీసీ ప్రధాన కార్యదర్శి, కర్ణాటక ఇంఛార్జి రణ్​దీప్​ సింగ్​ సుర్జేవాలా. ఆరోగ్య శాఖ మంత్రిని అరెస్ట్​ చేయాలని డిమాండ్​ చేశారు. 'యడియూరప్ప ప్రభుత్వం తయారు చేసిన నిర్లక్ష్యపు హత్య ఇది! ఆరోగ్య మంత్రి వెంటనే రాజీనామా చేయాలి. ఈ మరణాలకు సీఎం యడియూరప్ప జీ బాధ్యత వహిస్తారా? ' అని ట్వీట్​ చేశారు.

ప్రభుత్వం కేవలం పబ్లిసిటీపైనే దృష్టిసారించిందని, ఎలాంటి బాధ్యత లేదని ఆరోపించారు కర్ణాటక కాంగ్రెస్​ అధ్యక్షుడు డీకే శివకుమార్​. శాసనసభాపక్ష సమావేశం అనంతరం ప్రభుత్వ ప్రధాన కార్యదర్శిని కలుస్తామన్నారు. ప్రజల ముందు నిజాలను ఉంచాలని కోరుతామని తెలిపారు.

ఇదీ చూడండి: 'అత్యవసర ఆక్సిజన్​ నిల్వల కోసం ఏర్పాట్లు చేయండి'