కొవిడ్ కట్టడిలో కేంద్రం విఫలమవ్వడం వల్లే రెండో దశ వ్యాప్తికి కారణమని ఆరోపించారు కాంగ్రెస్ నేత రాహుల్ గాంధీ. మరోవైపు ఆర్థిక వ్యవస్థ గాడిన పడాలంటే వలస కూలీలకు డబ్బు పంపిణీ చేసి వారిని ఆదుకోవాలని సూచించారు. ట్విట్టర్ వేదికగా శనివారం ఈ వ్యాఖ్యలు చేశారు.
"కేంద్రం ప్రవేశపెట్టిన విఫల విధానాలే కరోనా రెండో దశ వ్యాప్తికి, వలస కూలీల సొంతూళ్లకు బయలుదేరడానికి కారణమయ్యాయి. వ్యాక్సినేషన్ విస్తృతం చేయడం సహా వలస కార్మికులకు ఆర్థిక సాయం అందించాలి. దాని ద్వారానే దేశం ఆర్థికంగా కోలుకుంటుంది. కానీ ఈ స్వార్థపూరిత ప్రభుత్వం ఈ సూచనలను లెక్కచేయదు."
-రాహుల్ గాంధీ, కాంగ్రెస్ నేత
ఇదీ చదవండి : కళ్లలో కారం చల్లి 800 గ్రాముల బంగారం చోరీ
