సెంట్రల్ విస్టా ప్రాజెక్టుపై తప్పుడు కథనాలు సృష్టిస్తున్నారని విపక్షాలపై కేంద్ర గృహ, పట్టణ వ్యవహారాల మంత్రి హర్దీప్ సింగ్ పూరీ మండిపడ్డారు. ఈ ప్రాజెక్టు ఆడంబరం కోసం కాదని, అత్యవసరమని అన్నారు. ప్రధానమంత్రి నివాసానికి సంబంధించి ఎలాంటి డిజైన్ ఖరారు కాలేదని చెప్పారు. పార్లమెంట్ భవనం, సెంట్రల్ విస్టా అవెన్యూ నిర్మాణం మాత్రమే కొనసాగుతున్నట్లు స్పష్టం చేశారు. రూ. 1300 కోట్లతో ఈ పనులు జరుగుతున్నాయని వివరించారు.
"సెంట్రల్ విస్టా ప్రాజెక్టుపై తప్పుడు కథనాలు నా దృష్టికి వచ్చాయి. ఈ ప్రాజెక్టులో భాగంగా ఏ ఇతర వారసత్వ భవనాన్ని మేం ముట్టుకోలేదు. ఇది ఆడంబర ప్రాజెక్టు కాదు. అత్యవసర ప్రాజెక్టు."
-హర్దీప్ సింగ్ పురీ, కేంద్ర మంత్రి
సెంట్రల్ విస్టా ప్రాజెక్టు నిర్మాణాన్ని కొనసాగించవచ్చని దిల్లీ హైకోర్టు సోమవారం ఆదేశాలు జారీ చేసింది. కరోనా విజృంభణ నేపథ్యంలో ఈ ప్రాజెక్టును నిలిపివేయాలని దాఖలైన పిటిషన్ను రూ. లక్ష జరిమానా విధించి కొట్టేసింది.
ఇదీ చదవండి- వ్యాక్సినేషన్పై కేంద్రానికి సుప్రీం ప్రశ్నలు
